આપી દઉં – ઉદયન ઠક્કર

રૂપ રહેવા દે મ્યાન, આપી દઉં
ખંડણીમાં ગુમાન આપી દઉં

ભૂલથી પણ એ ભાવ પૂછે તો…
આખે આખી દુકાન આપી દઉં

મોસમે પૂછ્યું, આંખ મિચકારી
‘એક ચુંબન શ્રીમાન આપી દઉં?’

પાનખર આવે તો ભલે આવે
એને પન માન-પાન આપી દઉં

કાં તો ભમરાને ગાન ના આપું
કાં તો કળીઓને કાન આપી દઉં

બોલ્યા પંડિત પતંગિયું જોઇ
‘ક્યારે પકડું, ને જ્ઞાન આપી દઉં!’

5 replies on “આપી દઉં – ઉદયન ઠક્કર”

  1. ઉદયન ઠક્કર રમત રમતમાં પણ ઊંડી વાત કહી ગયા છે. હળવા મિજાજની આ ગઝલના આ બે શેર તો વાંચતાવેંત જ ગમી ગયા:

    ભૂલથી પણ એ ભાવ પૂછે તો…
    આખે આખી દુકાન આપી દઉં

    મોસમે પૂછ્યું, આંખ મિચકારી
    ‘એક ચુંબન શ્રીમાન આપી દઉં?

    -અને આ શેર એ આજના જમાનાની વરવી વાસ્તવિક્તાનું વ્યંગ્યાત્મક ચિત્રણ નથી?:

    બોલ્યા પંડિત પતંગિયું જોઇ
    ‘ક્યારે પકડું, ને જ્ઞાન આપી દઉં!’

  2. Vijay Bhatt ( Los Angeles) says:

    રમતિયાળ ગઝલ અને માર્મિક…

  3. K says:

    ભૂલથી પણ એ ભાવ પૂછે તો…
    આખે આખી દુકાન આપી દઉં
    Wah,….. su vaat chhe….!!!!!!!!!!!

  4. jagdish says:

    આપની આ ગઝલ પર

    સૂરજ ને ચાંદ આપી દઉં

    જગદીશ ગૂર્જર
    અંક્લેશ્વર

  5. dipti says:

    ર મ તિ યા ળ !!!!!

    વાંચતાવેંત જ ગમી ગઈ!!!

    મોસમે પૂછ્યું, આંખ મિચકારી
    ‘એક ચુંબન શ્રીમાન આપી દઉં?’

Leave a Reply

Your email address will not be published. Required fields are marked *