ગઝલ – જવાહર બક્ષી

(ચાલ્યા જતા પ્રસંગની એક ક્ષણ..  Nevada Falls, Yosemite National Park, April 09)

* * * * *

ચાલ્યા જતા પ્રસંગની એકાદ ક્ષણ રહે
તોપણ પૂરા પ્રસંગનું વાતાવરણ રહે.

જો દ્રષ્ટિ સ્થિર થાશે તો જોઈશ ધરાઈને
પણ ત્યાં સુધી એ રૂપ ઉપર આવરણ રહે.

મારી ક્ષિતિજ લઈને હું ફરતો રહ્યાં કરું
મર્યાદા એની એ રહે ને વિસ્તરણ રહે.

મન થાય ત્યારે યાદ નિરાંતે કરું નહીં ?
એ શું કે વાતવાતમાં તારું સ્મરણ રહે !

સ્વપ્નાંય બહુ તો ઓગળી ઝાકળ થઈ ગયાં
જીવનમા તો પછી ‘ફના’ ક્યાંથી ઝરણ રહે ?

– જવાહર બક્ષી

8 replies on “ગઝલ – જવાહર બક્ષી”

  1. Harsukh Doshi says:

    What a surprise packet? Yesterday it was from Madhumati Mehta, today from Jawahar Bakshi.
    Thanks!

  2. kirankumar chauhan says:

    જવાહરભાઇ જેવી જ ઊંચી કક્ષાની ગઝલ.

  3. sonal parikh says:

    જવાહરભાઈ, તમારી ગઝલને આ રીતે મળવાની મજા પડી.

  4. સરળ બાનીમાં ગહન બાત. ધીમે ધીમે એકેક શેરને ફોલો તો સત્વ પ્રગટે.

  5. Hirabhai says:

    સરસ ગઝલ

  6. mukesh parikh says:

    દરેક શેર અદભૂત…
    આ શેર બહુ ગમ્યો.
    જો દ્રષ્ટિ સ્થિર થાશે તો જોઈશ ધરાઈને
    પણ ત્યાં સુધી એ રૂપ ઉપર આવરણ રહે.
    ‘મુકેશ’

  7. ઉત્તમ ગઝલ… બધા જ શેર આસ્વાદ્ય થયા છે….

  8. darshanamankad says:

    hi javaharbhai kemchho? tmne ‘tahukoma vachya. ketle vkhte tmaru lakhelu jovamalyu.

Leave a Reply

Your email address will not be published. Required fields are marked *