તસવીર જેમ ટાંગશું તારા અભાવને – જિગર જોષી ‘પ્રેમ’

ઍવું ગજૂ નથી કે છુપાવું આ ઘાવને
તસવીર જેમ ટાંગશું તારા અભાવને.

આઘેથી એક મત્સ્ય પરી જોઈ ને પછી
દરિયાને કીધુ ‘એ ય પરીચય કરાવને !

હોઠૉના સૌ કમાડ કરીને જરાક બંધ
કેવું સરસ એ મૌનમાં બોલી ‘તી “જાવ ને”

ઈચ્છા તો છેલ્લી એજ કે દર્દોનું ઘર મળે
દુખતી રગોને સહેજ તું પાછી દબાવને.

તારા સ્મરણથી કાલ છલોછલ ભર્યુ ‘તું જે
જોયા કરું છું આજ એ ખાલી તળાવને.

પીળાશ પાનખર સમું ક્યાયે કશું નથી
કમળૉ થયો છે ‘પ્રેમ’ તમારા સ્વભાવને..

– જિગર જોષી ‘પ્રેમ’

12 replies on “તસવીર જેમ ટાંગશું તારા અભાવને – જિગર જોષી ‘પ્રેમ’”

  1. Kavita Maurya says:

    આઘેથી એક મત્સ્ય પરી જોઈ ને પછી
    દરિયાને કીધુ ‘એ ય પરીચય કરાવને !

    હોઠૉના સૌ કમાડ કરીને જરાક બંધ
    કેવું સરસ એ મૌનમાં બોલી ‘તી “જાવ ને”

    ઈચ્છા તો છેલ્લી એજ કે દર્દોનું ઘર મળે
    દુખતી રગોને સહેજ તું પાછી દબાવને.

    સુંદર શેર !

  2. આખી ગઝલ ખૂબ જ સુંદર છે… બધા જ શેર મજેદાર અને આસ્વાદ્ય થયા છે…

  3. Angel Dholakia says:

    ઍવું ગજૂ નથી કે છુપાવું આ ઘાવને
    તસવીર જેમ ટાંગશું તારા અભાવને.

    good, very good.

  4. Pooja says:

    બહુ જ સરસ જાવ ને એકદમ સરસ

  5. Dr. Dinesh O. Shah says:

    તારા સ્મરણથી કાલ છલોછલ ભર્યુ ‘તું જે
    જોયા કરું છું આજ એ ખાલી તળાવને.

    ખુબ સુઁદર !! કલ્પનાઓ અને રચના ઘણી જ ગમી ગઈ!

    દિનેશ ઓ. શાહ, ગેઈન્સવીલ, ફ્લોરિડા, યુ.એસ.એ.

  6. sanju says:

    સરસ ગઝલ. અબિનન્દન્

  7. Sujata says:

    તારા સ્મરણથી કાલ છલોછલ ભર્યુ ‘તું જે
    જોયા કરું છું આજ એ ખાલી તળાવને.

    અત્ય્ંત સું દ ર્…….

  8. hardevsinh vadher says:

    એવુ ગજુ નથિ કે, બહુ સરસ કાવ્ય.

    કેમ કરિ તુજને દુરથિ વહાલ કરુ, આવ જરા નજિક દૈ આલિન્ગન તુજને ન્યાલ કરુ. લાલિ ઉશા સન્ધ્યાનિ જોયા કરે, તાર ગાલ ને એવા મસલિ લાલમ લાલ કરુ. “કુવર”

  9. siddharth j tripathi says:

    hotho na saau kamad karine jarak bandh ,
    kevu saras boliti javane!

    aa abhivyakti saachej dilthi vyakt thayel chhe.

  10. s n pandya says:

    પુરાનેી યાદે આવેીને હ્રદય મારુ જલાવ્યુ ચ્હે, ભુલાયેલુ દરદ દિલનુ ફરેી આજે જગાવ્યુ ચે

    It is dificult to forget memories for an individual

    SUREN

  11. ashvin sonrat says:

    હોઠૉના સૌ કમાડ કરીને જરાક બંધ
    કેવું સરસ એ મૌનમાં બોલી‘તી “જાવ ને” આ પન્ક્તિ નહિ પણ સ્પન્દનો છે…

  12. vipul joshi says:

    કમાલ જીગરભાઈ , બસ…… કમાલ

Leave a Reply

Your email address will not be published. Required fields are marked *