મારા જખમ ને દર્દમાં કુદરતનો ભાગ છે – બેફામ

સ્વર : આશિત દેસાઇ

.

મારા જખમ ને દર્દમાં કુદરતનો ભાગ છે
કે ચાંદમાં છે દાગ ને સુરજમાં આગ છે

કહે છે કે શ્રેષ્ઠ સ્થાન પ્રણયમાં છે ત્યાગનું
એ સત્ય હો તો જાઓ, તમારો એ ત્યાગ છે

મહેકી રહી છે એમ મુહોબ્બત કલંક થઇ
જીવનના વસ્ત્ર પર કોઇ અત્તરનો દાગ છે

બેફામ તારી પ્યાસને નથી કોઇ જાણતુ
ને સૌ કહે છે પ્રેમના પાણી અતાગ છે

( કવિ પરિચય )

14 replies on “મારા જખમ ને દર્દમાં કુદરતનો ભાગ છે – બેફામ”

  1. ગુજરાતી સાહિત્યને જીવંત રાખવા માટેના આપના પ્રયત્નો કાબીલે તારીફ છે. અભિનંદન.

  2. બેફામ મ્હારી ને તારી પ્યાસને નથી કોઇ જાણતુ
    મારા જખમ ને દર્દમાં કુદરતનો ભાગ છે
    કે ચાંદમાં છે દાગ ને સુરજમાં આગ છે….સલામ સાહેબ્…

  3. સારસ્વત જયશ્રીબેન,
    ગુજરાતી અને ગુજરાતની આનાથી મોટી સેવા બીજી કોઇ ના હોઈ શકે ! લાઈબ્રેરીથી અને ગુજરાતી સહિત્યથી વિમુખ થઈ રહેલી આ પેઢી માટે આ માધ્યમ ઉત્તમ સાબિત થઈ રહ્યું છે. આ પ્રયત્ન માટે પ્રસ્તુત અને આવનાર પેઢી વતી આપનો માનીએ એટલો આભાર ઓછો છે.
    ડૉ. હર્ષદ વૈદ્ય
    એમ ડી ( ગાયનેક )
    ખેરાલુ.

  4. fantastic web site.. todat for the first time when i was told by my friend mr.dhimant.purohit[ aaj-tak] abt it and when i started to run and stroll through it, i was keft fascinated and stunned.. plenty of salutes to you…..

  5. વ્યથા ની આગ ને સીમાડા નથી હોતા,
    આંસુ પકવવા ના નિંભાડા નથી હોતા,
    તેથી જ આ પાપી જગત જાણી નથી શક્યુ,
    કે દિલ બળે છે ત્યારે ધુમાડા નથી હોતા.

    પણ ….
    આ ગઝલમા ક્યાક અણદેખ્યો ધુમાડો છે.

  6. ખુબજ લાગણી સભર ગઝલ છે..ઘણ વર્શો પછી ફરીથી સામ્ભળવા મળી..

Leave a Reply to Alpesh Cancel reply

Your email address will not be published. Required fields are marked *