રે…. વણઝારા…… – વિનોદ જોષી

એક વર્ષથી પણ વધુ સમયથી આ ગીત ટહુકો પર ગુંજે છે. CD cover પરથી માહિતી લઇને આ ગીત મેં ઉદય મઝુમદારના સ્વરાંકન તરીકે રજુ કર્યું હતું.

આ પહેલા પણ જેમણે આ ભુલ તરફ નિર્દેશ કર્યો હતો, એમની અને શ્રી સુરેશભાઇની માફી માંગી આ ગીત હવે ફરીથી રજું કરું છું.

સ્વર : મીનાક્ષી શર્મા
સંગીત : સુરેશ જોષી

rajasthani_belle_PI59_l

.

રે…. વણઝારા……
રે…. વણઝારા……

તારી કાંગસીએ તોડ્યો મારો સોનેરી વાળ,
મને બદલામાં વેણી લઇ આપ.

રે…. વણઝારા……

પાથરણા આપું તને આપું પરવાળા,
પૂનમ ઘોળીને પછી આપું અજવાળા…

રે…. વણઝારા……

તારી મોજડીએ તોડી મારી મોતીની પાળ,
મને બદલામાં દરિયો લઇ આપ.

રે…. વણઝારા……

રાજપાટ આપું તને આપું ધબકારા,
પાંપણની પાંદડીના આપું પલકારા…

રે…. વણઝારા……

તારા ટેરવે તણાયા મારા કમખાના ઢાળ,
મને બદલામાં ટહુકો લઇ આપ.

16 replies on “રે…. વણઝારા…… – વિનોદ જોષી”

  1. વણઝારા ઉપર ગીત લખીને આ જાતિના કુદરતીપણાને જીવતું કરી કવિશ્રી વિનોદભાઈએ એક સુંદર કામ કર્યું છે. હવે વણજારા ક્યાં જોવા મળે છે ?એ જૂની મધુર સંસ્કૃતિ,અનેરા અતીતને આમ ગીત દ્વારા ફરી વર્તમાનમાં લાવવો એ મોટી વાત છે. આ ગીતનું રસભર સ્વરાંકન કર્યું મિત્ર શ્રી સુરેશભાઈ જોશી એ.સોનેપે સુહાગા. શ્રી મીનાક્ષીબેનની ગાયકી પણ મજાની. સૌને અભિનંદન. મને બદલામાં ખુશી આપી. જય હો.

  2. વિનોદ જોશિના કાવ્યો મને લોકગીત જેવા લાગેછે અને એટલે સાભળવાની મજા આવે છે.ગાયકે ગાયુછે પણ બહુ જ સરસ.

  3. In childhood days,
    used to listen to this Cassete Album “Tahuko”, sung by Shree Upadhyay & his daughters..That had this song as well.
    It’s so wonderful & melodious.

    Thanks a lot for your kind efforts in uploading the song…:)

    Have a nice week ahead.

  4. આ ગીત વિરાજ અને રાજલ ઉપાધ્યાયના સ્વરમા વધારે સારુ લાગે. તમખાને બદલે કમખા શબ્દ વધારે યોગ્ય લાગે.

  5. સમય કવો મઝાનો લાગે છે હાથ લાગયો ખજાનો લાગે છે

  6. માફી માંગી તે તમારી મોટાઈ બાકી ગીતના શબ્દો,સ્વરાંકન અને સંગીત એવું સરસ થયું છે કે જ્યારે પણ સાંભળીએ તે મધુરું લાગે છે…

  7. Hi,
    This song is being stopped from the mid so plz. do something.This is really an unbearable loss.
    I hope,it will be rectified soon.
    Thanks.

  8. તમે ગુઉજરાતિ ફોન્ટ કેમ વાપરવિ તે જણાવશો?

    આભાર!

  9. જયશ્રી, ખુબ જ મધુર ગીત.
    પણ એના “ગીતકાર” નું નામ ના મળ્યું જાણવા.

    પાંપણની પાંદળીના આપું પલકારા… માં કદાચ સુધારો કરી “પાંદડી” કરવું જોઇએ એમ લાગે છે.

    પહેલીવાર બેંડવિથને કારણે બરાબર ના સાંભળવા મ્ળ્યું પણ થોડો વાર પછી ફરી સાંભળવાની મજા આવી ગઇ.

Leave a Reply to અશોક ઢાપા Cancel reply

Your email address will not be published. Required fields are marked *