સદાકાળ ગુજરાત – અરદેશર ફ. ખબરદાર ‘અદલ’

ગાયક : આશિત દેસાઇ, ચન્દુ મટ્ટાણી

gujarat

.

જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!
જ્યાં જ્યાં બોલાતી ગુજરાતી, ત્યાં ત્યાં ગુર્જરીની મહોલાત!

ઉત્તર દક્ષિણ પૂર્વ કે પશ્ચિમ, જ્યાં ગુર્જરના વાસ;
સૂર્ય તણાં કિરણો દોડે ત્યાં, સૂર્ય તણો જ પ્રકાશ.
જેની ઉષા હસે હેલાતી, તેનાં તેજ પ્રફુલ્લ પ્રભાત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!

ગુર્જર વાણી, ગુર્જર લહાણી, ગુર્જર શાણી રીત,
જંગલમાં પણ મંગલ કરતી, ગુર્જર ઉદ્યમ પ્રીત.
જેને ઉર ગુજરાત હુલાતી, તેને સુરવન તુલ્ય મિરાત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!

કૃષ્ણ દયાનંદ દાદા કેરી પુણ્ય વિરલ રસ ભોમ;
ખંડ ખંડ જઈ ઝૂઝે ગર્વે કોણ જાત ને કોમ.
ગુર્જર ભરતી ઉછળે છાતી ત્યાં રહે ગરજી ગુર્જર માત;
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!

અણકીધાં કરવાના કોડે, અધૂરાં પૂરાં થાય;
સ્નેહ, શૌર્ય ને સત્ય તણા ઉર, વૈભવ રાસ રચાય.
જય જય જન્મ સફળ ગુજરાતી, જય જય ધન્ય અદલ ગુજરાત!
જ્યાં જ્યાં વસે એક ગુજરાતી, ત્યાં ત્યાં સદાકાળ ગુજરાત!

( આભાર : લયસ્તરો )

કવિ શ્રી ખબરદારનો પરિચય. (જન્મ : ૬-૧૧-૧૮૮૧, મરણ : ૩૦-૭-૧૯૫૩)

9 replies on “સદાકાળ ગુજરાત – અરદેશર ફ. ખબરદાર ‘અદલ’”

  1. in 1952 when i was a student, shayeda came to karachi to attend first gujrati mushaira i had a chance to meet him and hear his kavya in his own wrdings it was o phool khilela garvnakar tari halat bdlai jshe a phole kyu hujanu chu hu karmai jaish bhathi thase attar banshe ante khushbo felaijashe. Bijani vatokarnara tu matima mati thashe toj lashne kida khaijashe . mane bus aj khyalo avve chhe tu phulnu jivan samji le tarujivan samjaijashe. shaida the great. i still remeber his style.

  2. સને ૧૯૭૫ ના વર્ષની આસપાસ એક ગુજરાતી ફિલ્મ “જેની ઉપર ગગન વિશાળ” નામે આવી હતી. જેનું એક ગીત મને ખુબ ગમતું પરંતુ હવે એ ઉપલબ્ધ નથી. ગીતના શબ્દો કંઈક આવા હતા……..

    જેની ઉપર ગગન વિશાળ…..જ્યાં સોમનાથને દ્વાર રક્ષા કરતા રખેવાળ …….જેની ઉપર ગગન વિશાળ.
    સાબરમતી નદીને તીરે ધણી ધખાવી નગ્ન ફકીરે ચાલ્યો દાંડી ની સાર….. જેની ઉપર ગગન વિશાળ.
    …….થનગનતા નર ને નાર ….જેની ઉપર ગગન વિશાળ……
    આ ગીત મળે તો આપણી વેબ ઉપર મુકવા જેવું છે. ગુજરાતીને ગમે એવું છે.

    પંકજ

  3. મા ભુમિ અને ગાય ને માતા કહે નાર તો ગુજરાતિ જ હોય સકે જય ગુજરાત જય હિન્દ્

  4. ખરેખર ઉત્તમ કાવ્ય છે, આપણે દરેક ગુજરાતીને આપણી માતૃભાષા તથા માતૃભૂમિનું ગૌરવ હોવું જોઈએ, પણ હાલમાં જે અંગ્રેજીભાષા પ્રત્યેનું વધારે પડતું આકર્ષણ જોવા મળે છે તે ખૂબ જ ચિંતાજનક છે, તે બાબત જાગૃત થવું ઘટે.

  5. બહુ જ સરસ. સાચુ જ છે. આપણે આજે પણ ગુજરાતને તો આપણામા જીવતુ જ રાખીએ છીએ.

  6. બહુ જ સરસ; સાચુ જ ચે. આપને આજે પન ગુજરાત ને તો આપનામા જિવતુજ રાખિએ છિએ.

Leave a Reply to manjula parekh Cancel reply

Your email address will not be published. Required fields are marked *