તું મીંઢળ જેવો કઠ્ઠણ… – વિનોદ જોશી

મારું આ ખૂબ જ ગમતું ગીત – આમ તો ૪ વર્ષ કરતા વધુ સમયથી ટહુકો પર ગૂંજે છે..! (તમે સાંભળવાનું ચૂકી નથી ગયા ને? )
આજે ફરી આ ગીત – અને એ પણ એક મઝ્ઝાના બોનસ સાથે.. આ જ ગીત – કવિના પોતાના સ્વર અને સ્વરાંકન સાથે..! મને શિકાગોમાં આ ગીત વિનોદભાઇ પાસે તો સાંભળવા મળ્યું જ હતું – પણ મધુમતીબેને પણ એમના મધુરા સ્વરમાં આની એક રજૂઆત કરી હતી..!

ચલો.. વધુ પૂર્વભુમિકા વગર સાંભળો અને માણો આ મસ્ત ગીત..!

સ્વર અને સ્વરાંકન : વિનોદ જોશી

.

*******
Posted on July 26, 2006.

સ્વર : રેખા ઠાકર
સંગીત : સુધીર ઠાકર
RA2840

.

તું મીંઢળ જેવો કઠ્ઠણ.. ને હું નમણી નાડાછડી
તું શીલાલેખનો અક્ષર, ને હું જળની બારાખડી

એક આસોપાલવ રોપ્યો…
તેં આસોપાલવ ફળીયે રોપ્યો.. તોરણમાં હું ઝુલી
તું અત્તરની શીશી લઇ આવ્યો, પોયણમાં હું ખીલી

તું આળસ મરડી ઉભો.. ને હું પડછાયામાં પડી..
તું મીંઢળ જેવો કઠ્ઠણ….

એક પાનેતરમાં ટાંક્યું,
મેં પાનેતરમાં મોતી ટાંક્યું, તેં પૂજ્યા પરવાળા
મેં શ્રીફળ ઉપર કંકુ છાંટ્યું, તેં પૂછ્યા સરવાળા

તું સેંથીમાં જઇ બેઠો, ને હું પાંપણ પરથી દડી
તું મીંઢળ જેવો કઠ્ઠણ…

– વિનોદ જોશી

21 replies on “તું મીંઢળ જેવો કઠ્ઠણ… – વિનોદ જોશી”

  1. સ્વર : રેખા ઠાકર નુ આ ગીત ઓડિયો મા પુરૂ નથી, જયશ્રી બેન તમે પોતે સાંભળી જુઓ અને અગર તમને લાગે કે પુરૂ છે તો પછી મારે મારૂ ઓડિયો સિસ્ટમ કોઇ Expert થી ચેક કરાવવુ પડશે.જવાબ જરૂર આપજો….

  2. તમને નથી લાગતુ કે શબ્દો મા ગીત પુરુ છે પણ ઓડિયો મા છેલ્લી ચાર પાંચ લાઇન નથી સંભળાતી…
    કોઇ આ વાત થી સહમત તો જરૂર થશે ?

  3. બહુ જ સરસ
    કવિશ્રી વિનોદ જોશીજી નુ મોરપિંછ વરસ પહેલા સૌ.સમાચાર મા આવેલ તે મારે વાચવુ છે.
    મળશે ખરુ?
    મહેરબાની
    આભાર

  4. મેં પાનેતરમાં મોતી ટાંક્યું, તેં પૂજ્યા પરવાળા
    મેં શ્રીફળ ઉપર કંકુ છાંટ્યું, તેં પૂછ્યા સરવાળા

    આ બે લીટીમા પરવાળા અને સરવાળા નો અર્થ ન સમજાયો.
    પરવાળા એ શેનુ પ્રતિક છે?

  5. વિનોદ જોશિનુ આ ગિ ઘણુ ગમ્યુ.લગ્નવિધિના પ્રતિકો બહુ સરસ રિતે યોજયા છે.

  6. મારા લગ્ન છે ને આ વાંચીને હું તો ખુશ થઇ ગઈ.. પણ આ પોયણ નો અર્થ શું થઇ એ કોઈ સમજાવશો?

  7. વિનોદભાઈના સ્વરમા ગીત સાંભળવાની મઝા આવી ગઈ.

  8. …..તું સેંથીમાં જઇ બેઠો, ને હું પાંપણ પરથી દડી….

    સુન્દર કલ્પના!

  9. કવિશ્રીને અભિનદન, સુર, સ્વર, સંગીત અને સૌન્દર્યનો મેળ કવિ સિવાય ભાગ્યે જ કોઈ કરી શકે, તમારો આભાર્……

  10. Hi Jaishreedidi,
    Very nice song with wonderful words.
    Rekha Thakar’s voice is just amazing.
    Can you put song of “Gokulni Vaat” the album composed by Sudhir thakar and sung by Rekha Thakar.
    Before this I’d requested some song, I’d send a mail also but there no any reply or response.

    અરે છેલ્લા બે વર્ષથિ regular site પર આવુ છુ એટલી તો દાદાગીરી કરી શકુ ને !!!??

    So please reply me. 🙂

  11. ઘના સમય બદ આ ગિત સમબભલવા મલ્યુ ખરેખર મજા આવિ ગયિ મને આ બધા ગિત સુરત મા કયાથિ મલ્શે તે જો આપ જનાવિ શકો તો મહેરબનિ કરિ ને જનવ્શો થેન્ક્યુ

  12. Really, Amazing one! Vinod Joshi is the maestro of melodious lyrics. I have heard one more such type of lyric is ” Saavariyo re maaro saavariyo..Hu to Khobo mangu ne dai de dariyo…” If anybody is having it, please upload it.

  13. સુર.સૌન્દર્ય ,શબ્દો,પસંદ,જયશ્રીબહેનની
    રગેરગમાં પ્રસરેલાં છે,તેનું આ એક ઉત્તમ
    ઉદાહરણ છે.કવિ પણ કોઇ રત્ન જ છે ને ?

Leave a Reply to ajsohani-Waterloo, ON (Canada) Cancel reply

Your email address will not be published. Required fields are marked *