અનુભવ છે દરિયાના તોફાનનો, પણ
આ રેતીમાં હોડી ખરાબે ચઢી છે.
- ભગવતીકુમાર શર્મા.
અમે તો સમંદર ઉલેચ્યો છે, પ્યારા,
નથી માત્ર છબછબિયાં કીધાં કિનારે;
મળી છે અમોને જગા મોતીઓમાં !
- ‘શૂન્ય’ પાલનપુરી
ખાબોચિયું જ આમ તો પર્યાપ્ત હોય છે,
હોડી ડુબાડવાને તું દરિયો ન મોકલાવ !
- રમેશ પારેખ
કંઇ કેટલા નામનો ઊછળે મારે આંગણ દરિયો:
એમાં એક જ નામ તમારું નાવ થઇને મ્હાલે !
- સુરેશ દલાલ
આમ તો એક બિંદુ છું, કિંતુ
સપ્ત સિંધુથી સંકળાયો છું !
- અમૃત ધાયલ
ડૂબી છે જઇને નાવ અમારી ક્ષિતિજ પર,
દુનિયાનો ખ્યાલ છે કે પાર ઊતરી ગઇ.
- ‘મરીઝ’
સજન-નેહ નિભાવવો ઘણો દોહ્યલો, યાર:
તરવો સાગર હોડકે, સૂવું શસ્ત્રની ધાર.
- નર્મદાશંકર દવે ‘નર્મદ’
October 18th, 2006 at 11:36 am
સરસ સંગ્રહ
December 11th, 2008 at 3:16 pm
જયશ્રી બહેન, દરિયા પર નુ હજુ એક ગીત “દરિયો રે દરિયો મારો સાવરિયો”..ટહુકા પર મુકવા વિનંતી……..
જયેશ ગઢવી નાં જય માતાજી.