ગઝલ – બેદાર લાજપુરી

શબ્દના એવા ગુના પણ હોય છે
મૌન રહેવામાં ડહાપણ હોય છે

વહેંચવાનો થાય જ્યારે વારસો
વારસોના દૂર સગપણ હોય છે

હર સમય કર્ફ્યુના ટાણે શહેરમાં
માર ખાતી એ ભિખારણ હોય છે

હોય છે માઠી દશામાં દૂર સૌ
લાગણીને કેવી સમઝણ હોય છે

હોય છે બેદાર ક્યારે એકલા
‘આપણી અંદર ઘણા જણ હોય છે’

6 replies on “ગઝલ – બેદાર લાજપુરી”

  1. સુરેશ જાની says:

    હોય છે બેદાર ક્યારે એકલા
    ‘આપણી અંદર ઘણા જણ હોય છે’

    એકદમ નવો જ અને બહુજ વિચાર કરવા જેવો વિચાર ! આ વાત બહુ જ સમજવા જેવી છે. આનો વિચાર વિસ્તાર કરીને ‘કાવ્ય સૂર ‘ પર એક બે દિવસમાં મૂકીશ.
    આભાર , જયશ્રી ! સરસ ગઝલ લઇ આવી. ચીલાચાલુ વિચારોથી સાવ નવી જ વાત લઇ આવી !

  2. આપણી અંદર ઘણા જણ હોય છે – એકદમ ચોટદાર વાત…

  3. manvant says:

    મૌન રહેવામાં ડહાપણ હોય છે…….યાદ રાખીશ.

  4. […] હોય છે ‘બેદાર’ ક્યારે એકલા આપણી અંદર ઘણા જણ હોય છે #  –   ‘બેદાર’ લાજપુરી […]

  5. sanjay says:

    superb gazal che. ghana samay pachi aavi dil ma utari janar gazal vanchi.

  6. Viththal Talati says:

    It is just a realty.
    હોય છે બેદાર ક્યારે એકલા
    ‘આપણી અંદર ઘણા જણ હોય છે’
    Viththal

Leave a Reply

Your email address will not be published. Required fields are marked *