પણ હું – આદિલ મન્સૂરી

(હું પ્રવાહી અને કઠણ પણ હું…. Stanyan Beach, CA – Apr 09 )

* * * * * * *

સૂર્ય હું આભ હું ને રણ પણ હું
હું જ તરસ્યો અને ઝરણ પણ હું

હું ઊભો છું સમયની બ્હાર અને
એ તરફ જાય છે એ ક્ષણ પણ હું

હું જ ઓગળતો મારી જડતામાં
હું પ્રવાહી અને કઠણ પણ હું

હું જ પથરાયો અંધકાર બની
એમાં ખોવાયેલું કિરણ પણ હું

લક્ષ્યબિંદુ ગતિ દિશા પણ હું જ
હું જ રસ્તો અને ચરણ પણ હું

મારા હોવામાં અંત ને આરંભ
જન્મ પણ હું જ ને મરણ પણ હું

હું મને શોધતો ફરું ‘આદિલ’
હું જ દ્રષ્ટિ ને આવરણ પણ હું

– આદિલ મન્સૂરી

6 replies on “પણ હું – આદિલ મન્સૂરી”

  1. હું જ ઓગળતો મારી જડતામાં
    હું પ્રવાહી અને કઠણ પણ હું…ખુબ સરસ વાત કરી છે…

  2. હુ જ ઝાઝવુ ને રણ પણ હુ જ
    સ્વાસ્ની અવર્ જ્વ્ર ર ને મરણ પણ હુ જ્…..કવિતા આપોઆપ લખાઈ જાય ૬
    બે અન્તિમોની વચ્ચે જ જીવન ૬ તેન કેવી અદ્ભ્ ત્ ગુથણી.

  3. Some how while reading this ghazal Krishna’s virat/vishwa swaroop kem in front of my eyes!!!

    very nice ghazal….

  4. હું મને શોધતો ફરું ‘આદિલ’
    હું જ દ્રષ્ટિ ને આવરણ પણ હું
    (આને જ કાફિયા કહેવાય?)
    -બહુ સરસ!!!

Leave a Reply to Pranav Cancel reply

Your email address will not be published. Required fields are marked *