આવતી કાલનાં ગીત અમારાં ને
આવતી કાલની પ્રીત,
નીરખી ના જેને કાંઈ દી આંખે
પારખી ના કદી હૃદયે ઝાંખે
તોય ઊડી ઊડી પાતળી પાંખે
ક્ષિતિજપારથી આવી અચાનક
આજ ભરી રહી ચિત્ત
આવતી કાલનાં ગીત અમારાં
ને આવતી કાલની પ્રીત.
આજને ઉબરે ગાય જે ગાણાં
આજ છે જેનાં ઓચ્છવ-ટાણાં
સાથે મારે નહીં સુખનાં લ્હાણાં
પ્રાણ સમાણાં સપનાનું મારે
આંબવ આછું સ્મિત
આવતી કાલનાં ગીત અમારાં
તે આવતી કાલની પ્રીત.
નવ વસંતને પોંખણે જાગે
ઝાડવે ઝાડવે ઝૂંપળ લાગે
ફૂટવા, ફળવા આત સુહાગે
તમે નવાગત કાજે જીવન
ફાલ ધરે અગણિત
આવતી કાલનાં ગીત અમારાં
ને આવતી કાલની પ્રીત.
-મકરંદ દવે
I love this poem. It should be easy to put in music.
For me it is about hopeful living in the present moment.
-Jayantilal Alagia