સ્વર : ગાર્ગી વોરા
સંગીત : અમિત ઠક્કર
રચના : વિહાર મજમુદાર
.
એકલ દોકલ આવન જાવન, ઝરમર વરસે સાવન
ઉપવન ન્હાતું, ઝરણું ગાતું, તોય કોરું આ મન
પાંપણને નેવેથી ટપકે સ્મરણો કેવા કેવા ,
ઉજાગરા સૌ ટોળે મળીયા, વિરહ હજુ શું સહેવા
મુરઝાઈ ઈચ્છાની વચ્ચે, ઝૂરતી આ ઉર માલણ
ગગન ઝરૂખે, ઘન ગાજે આ કાજળ શા અંધારે,
મધુમાલતી મહેકી રહી પણ, તમે આવશો ક્યારે ?
ભણકારા, ભણકારા નું બસ ,આ તે કેવું ભારણ
-વિહાર મજમુદાર
Superb rendition to a subtle poetry. Keep up the good work.
ઝરમર વરસે સાવન.. વાહ..
સુંદર રચના..
આ તે કેવી વ્યથા – ઉપવન ન્હાતું, ઝરણું ગાતું, તોય કોરું આ મન
શબ્દો પણ ક્યાથી મળે, મનની વાત કરવા ….
પાંપણને નેવેથી ટપકે સ્મરણો કેવા કેવા – યાદો તાજી થાય
તમે આવશો ક્યારે ? તીવ્ર આતુરતાથી રાહ જોવાય છે!
એકલ દોકલ… આવન જાવન…
પણ… મન તરસે… ઓ સાવન..
કોરોના ગ્રસ્ત છે… સર્વે નાં મન…
ઓહ કોરોના…
કર મુક્ત… અમારું.. આંગન…!
Narendrasoni
એકલ દોકલ… આવન જાવન…..
પણ… તરસ લાગે છે કે…
હંમેશાં રહે સાવન…!