હરિ! આવો ને!  – કવિ નાનાલાલ

સ્વર: ઐશ્વર્યા મજમુદાર 
સ્વરાંકન : અમર ભટ્ટ 
સંગીતઃ અમિત ઠક્કર 
આલ્બમ: હરિને સંગે 

.

હરિ! આવો ને 
 
આ વસન્ત ખીલે શતપાંખડી, હરિ! આવો ને;
આ સૃષ્ટિએ ધરિયા સોહાગ; હવે તો હરિ! આવો ને!
આ વિશ્વ વદે છે વધામણી, હરિ! આવો ને;
આવી વાંચો અમારા સોભાગ્ય; હવે તો હરિ! આવો ને!

આ ચંદરવો કરે ચન્દની, હરિ! આવો ને;
વેર્યાં તારલિયાના ફુલ; હવે તો હરિ! આવો ને!
પ્રભુ પાથરણાં દઈશ પ્રેમનાં, હરિ! આવો ને;
દિલ વારી કરીશ સહુ ડૂલ; હવે તો હરિ! આવો ને!

આ જળમાં ઉઘડે પોયણાં, હરિ! આવો ને;
એવા ઉઘડે હૈયાના ભાવ; હવે તો હરિ! આવો ને!
આ માથે મયંકનો મણિ તપે, હરિ! આવો ને;
એવા આવો જીવનમણિ માવ ! હવે તો હરિ! આવો ને!

આ ચંદની ભરી છે તળાવડી, હરિ! આવો ને!
ફૂલડીયે બાંધી છે પાજ; હવે તો હરિ! આવો ને!
આ આસોપાલવને છાંયડે, હરિ! આવો ને;
મનમહેરામણ, મહારાજ! હવે તો હરિ! આવો ને.

મ્હારે સુની આયુષ્યની શેરીઓ, હરિ! આવો ને;
મ્હારે સૂની સૌ જીવનની વાટ; હવે તો હરિ! આવો ને.
મ્હારા કાળજ કેરી કુંજમાં, હરિ! આવો ને;
મ્હારા આતમ સરોવરઘાટ; હવે તો હરિ! આવો ને.
-કવિ નાનાલાલ

(માવ: પતિ, સ્વામી, વ્હાલમ ; પાજ: પાળ, સેતુ )

Love it? Share it?
error

4 replies on “હરિ! આવો ને!  – કવિ નાનાલાલ”

  1. મારી સંપૂર્ણ થાય આજ આસ…
    હવે હરી આવોને…
    મારી ઇચ્છા કરો ને..pas..
    હરી આવોને.. નરેન્દ્ર સોની

  2. i always in touch with TAHUKO, hears all new songs and details, my hearty wishes to all participants for Diwali and happy new years to all.

  3. HARSHAD MANUBHAI BHATT says:

    આતિ સુન્દર્!!!

  4. shreya shah says:

    Wah wah Aishwarya no Gayaki adbhut chhe ekdam!

Leave a Reply

Your email address will not be published. Required fields are marked *