વાંદરો ભાઈ વાંદરો -રૂપાંગ ખાનસાહેબ

સ્વર : રૂપાંગ ખાનસાહેબ
સંગીત : મેહુલ સુરતી

.

વાંદરો ભાઈ વાંદરો, હૂપ હૂપા હૂપ વાંદરો,
ઝાંપે બેસી મારો બેટો મારો સ્ટાઈલ ફાંફડો..

એક વાંદરો લઈને આવ્યો ફેરિયાની ટોપી
જોવા એને વાંદરાભાઈની મિટીંગ મળી મોટી

બાજુવાળા પસાકાકાની ગાડીનો અરીસો
જોઈ વાંદરો ફુકાયોને હસતો ખી.ખી.ખી…

એની લાંબી લાંબી વાંકી ચૂંકી
લાંબી લાંબી દોરડા જેવી
લાંબી લાંબી આડી અવળી
લાંબી લાંબી વ્હાલી વ્હાલી
વાંકી ચૂંકી દોરડા જેવી આડી અવળી વ્હાલી વ્હાલી
અરે શું? … પૂંછડી પૂંછડી

કાળુ એનું મોઢું ધોળા ધોળા એના વાળ
પૂંછ ઉંચી રાખી, ચાલે રાજા જેવી ચાલ
એના કાકા કાકી, એના મામા મામી, ફોઈ ફુઆ, ભાઈ બહેન
બધાને ખંજવાળ આવે, બધાને ખંજવાળ
આખો’દી ખંજવાળ આવે, આખો’દી ખંજવાળ
ફેમીલી કમાલ એનું ફેમીલી ધમાલ
કરે હૂપ, બધા હૂપ સાથે હૂપ
કરે હૂપ, હૂપ, હૂપ.

મંજુમાસી લઈને નીકળ્યા
ભાજીની એક થેલી
મોકો દેખી વાંદરાભાઈએ
તરાપ મારી વહેલી
મંજુમાસીને ગુસ્સો આવ્યો
લઈને પત્થર છુટ્ટો માર્યો
થેલી ફેકી ભાગ્યો વાંદરો, કૂદી વાડને કૂદી બાંકડો
ધમપછાડ બુમ બરાડા
છોકરા હસતાં ખી ખી ખી ખી
– રૂપાંગ ખાનસાહેબ

One reply

  1. Very cheerful song for the children..why,even adults would be happy to hear it…well sung !…..

Leave a Reply

Your email address will not be published. Required fields are marked *