એનું નામ જ અખ્ખર ઢાઈ – રવીન્દ્ર પારેખ

કોની વાતે તું ભરમાઈ ?
કોણ કબૂલે એ સચ્ચાઈ ?

હું ઝાકળ છું, તું આંસુ છે,
તારે મારે શી સરસાઈ ?

કોણ છૂટું પડતું કોનાથી,
વાત મને એ ના સમજાઈ.

આ તો તેજ વગર બળવાનું,
એનું નામ જ અખ્ખર ઢાઈ.

જળનાં ટીપાં જેવી યાદો,
વધતાં વધતાં થૈ દરિયાઈ.

હોય ન જ્યારે પણ તું સાથે,
હાથવગી મારે તન્હાઈ.

મારે બદલે યાદ મને તું,
મારે બીજી કઇ અખિલાઈ ?

-રવીન્દ્ર પારેખ

(આભાર – લયસ્તરો)

5 replies on “એનું નામ જ અખ્ખર ઢાઈ – રવીન્દ્ર પારેખ”

  1. Jitesh Narshana says:

    ખૂબ સુંદર રચના હોય ન જયારે પણ તું સાથે….

  2. Bankimchandra Shah says:

    રવીન્દ્રભાઈ, મજા આવી ગઈ….એનું નામ જ અખ્ખર ઢાઈ.

  3. tia says:

    કોઈ સુંદર સ્વર માં (મુશાયરા ટાઈપ) પઠન કરી ને રજુ કરે તો વધૂ મજા આવે…

  4. nayana bhuta says:

    અરે વાહ્..ખુબ જ સુદર..

  5. Ramesh Oza says:

    રવિભાઇ,
    ખૂબ જ સુંદર કવિત જાણે મુકત્કના આકારમાં પણ લખાણનો અર્થ હ્રદયસોસરવો નિકળે છે.
    રમેશ ઓઝા.

Leave a Reply

Your email address will not be published. Required fields are marked *