તને ટહુકાઓ આપું તો લઈશ કે? – નંદિતા ઠાકોર

અલી તને ટહુકાઓ આપું તો લઈશ કે?
ખુલ્લી હથેળીઓમાં સૂરજ ઉગાડું
પછી તડકાઓ આપું તો લઈશ કે?

તને આખું આકાશ કેમ આપી શકાય
ભાગ એમાં છે આખા એ ગામનો
સપનાને સોંસરવા વીંધીને એના પર
સૂરજ ચીતરાયો નકામનો
(કહે) મારી આ આસમાની આંખોના ભૂરાછમ
સપનાંઓ આપું તો લઈશ કે?

ટહુકા કે તડકાઓ આપી તો દઉં
એને કેમ કરી ઘરમાં લઇ જાશે?
તારી આ જાત હવે તું થી જળવાય નહી
કેમ કરી સપનાં જળવાશે?
આપણા વિયોગ પછી ઉંબરમાં અટકેલાં
પગલાંઓ આપું તો લઈશ કે?

– નંદિતા ઠાકોર

7 replies on “તને ટહુકાઓ આપું તો લઈશ કે? – નંદિતા ઠાકોર”

  1. KETAN YAJNIK says:

    નારદે વાલિયાને પૂછેલો પ્રશ્ન કે યક્ષ પ્રશ્ન

  2. Bhumi says:

    Beautiful poem..!

  3. વાહ… સુંદર મજાની ગીતરચના….

  4. Bharat Bhatt. says:

    સરસ ગીત.

  5. જગમાલ says:

    તમને આકાશ કે આપી શકાય એમા ભાગ છે આખા ગામમાં નો…વાહ…ખુબ મજા આવી તમારો ખુબ આભાર..
    …વંદન તમને મારા…જયશ્રી કૃષ્ણ

  6. Lata hirani says:

    મજા આવી ગઈ…
    લતા હિરાણી

  7. Jighruksha Dave says:

    Beautiful poem

Leave a Reply

Your email address will not be published. Required fields are marked *