ગઝલ – ભરત વિંઝુડા

સાવ સીધું છે ગૂંચવાવું શું,
કાળું ધાબું છે એમાં જાવું શું.

એ નથી જાણતા રિસાવું શું !
તો કહો એમને મનાવું શું !

એણે આપ્યું નહીં કશુંય મને,
બંધ મુઠ્ઠીમાં હું છુપાવું શું !

વહી ગઈ એમ વિસરાઈ ગઈ,
જિંદગીમાં કહો ભુલાવું શું !

કંઈ નથી આવતું બીજું મોઢે,
એક બગાસું છે એમાં ખાવું શું !

– ભરત વિંઝુડા

One reply

Leave a Reply

Your email address will not be published. Required fields are marked *