એક એવું ઘર મળે આ વિશ્વમાં – માધવ રામાનુજ

એક એવું ઘર મળે આ વિશ્વમાં, ,
જ્યાં કશા કારણ વિના પણ જઈ શકું;
એક એવું આંગણું કે જ્યાં મને;
કોઈપણ કારણ વગર શૈશવ મળે !

એક બસ એક જ મળે એવું નગર;
જ્યાં ગમે ત્યારે અજાણ્યો થઈ શકું;
‘કેમ છો?’ એવુંય ના કહેવું પડે;
સાથ એવો પંથમાં ભવભવ મળે !

એક એવી હોય મહેફિલ જ્યાં મને,
કોઈ બોલાવે નહિ ને જઈ શકું !
એક ટહુકામાં જ આ રૂંવે રૂંવે,
પાનખરના આગમનનો રવ મળે !

તો ય તે ના રંજ કૈં મનમાં રહે –
અહીંથી ઊભો થાઉં ને મૃત્યુ મળે…

11 replies on “એક એવું ઘર મળે આ વિશ્વમાં – માધવ રામાનુજ”

  1. Paresh says:

    આ કવિતા મારા મોટાભાઈ ના અભ્યાસક્રમા હતી. ઍની સાથે કેટલિક બાળપની યાદો સમાયેલી ચ્હે. આભાર

  2. શીર્ષકમાં શિખરણી છંદના આભાસ સાથે શરૂ થતા આ કાવ્યમાં સમગ્ર ઇબારત ગઝલની રહી છે, અને પંક્તિ-આયોજન સૉનેટના ઢાંચાનું સ્મરણ કરાવે છે.

  3. Dinesh H. Desai says:

    કાવ્ય ખૂબ ગમ્યુ.

  4. pragnaju says:

    ખૂબ સુંદર
    એક એવી હોય મહેફિલ જ્યાં મને,
    કોઈ બોલાવે નહિ ને જઈ શકું !
    એક ટહુકામાં જ આ રૂંવે રૂંવે,
    પાનખરના આગમનનો રવ મળે !
    આ પંક્તીઓ તો વારંવાર બોલીએ
    … અમે તો પાનખરનો રવ સાંભળેલા પાન

  5. jigar says:

    તમે “મને જરા ઝુન્ક વગિ ગૈ ” એ ગિત મુકિ શક્શો મને લાગે ઈ રાજેન્દ્ર શાહ નુ ચ્હે

  6. Daulatsinh Gadhvi says:

    AA SHABDO MHEKI RAHE NAHI TO SHU KARE! REGARDS..

  7. માણસ ને જિવવા માતે હુંફ નિ જરુર છે;તે પછિ ઘ્રર હોઇ કે પછિ નગર ,અરે પુરા વિશ્વ મા પણ ભાયચારા વિના જિવિ શકાતુ નથિ…..

  8. સીમા બારાઈ વખારિયા says:

    નમસ્તે
    હું એક શિક્ષક છું. અમાંરી શાળામાં આ ગીત પ્રાર્થનાસભામાં સ્થાન પામ્યું છે તેને અમે પ્રાર્થનાનો દરજ્જો આપેલ છે
    તે જ એની યોગ્યતા પુરવાર કરે છે.

  9. jigna says:

    fine 6e …thanks

  10. monika says:

    i need audio for this song pleaseany one have give me link or send me on my mail

  11. daulatsinh says:

    ભવો ભવનિ ભ્રાન્તિ ભાસે આતો,જગત જોઉ તો બધુ જુદુ જુદુ લાગે !….

Leave a Reply

Your email address will not be published. Required fields are marked *