જુદી જિંદગી છે – મનુભાઇ ત્રિવેદી ‘ગાફિલ’

જુદી જિંદગી છે મિજાજે – મિજાજે;
જુદી બંદગી છે નમાજે – નમાજે.

છે એક જ સમંદર, થયું એટલે શું ?
જુદા છે મુસાફર જહાજે – જહાજે.

ભલે હોય એક જ એ અંતરથી વહેતા,
છે સૂરો જુદેરા રિયાજે – રિયાજે.

જુદા અર્થ છે શબ્દના બોલવા પર,
છે શબ્દોય જુદા અવાજે – અવાજે.

જીવન જેમ જુદાં છે કાયામાં જુદી,
છે મૃત્યુય જુદાં જનાજે – જનાજે.

હઠી જાય ઘૂંઘટ, ઢળી જાય ઘૂંઘટ,
જુદી પ્રીત જાગે મલાજે – મલાજે.

તમે કેમ ‘ગાફિલ’ હજીયે છો ગાફિલ ?
જુઓ, બદલે દુનિયા તકાજે – તકાજે.

11 replies on “જુદી જિંદગી છે – મનુભાઇ ત્રિવેદી ‘ગાફિલ’”

  1. શાહબુદ્દીનભાઈ રાઠોડના અવાજમાં તેમની એક સુપ્રસિદ્ધ રજુઆત – કદાચ “વનેચંદનો વરઘોડો” માં એમણે કેટલીક પંક્તીઓ સાંભળી ત્યારથી આ રચના ગમતેલી, આભાર!

  2. pragnaju says:

    આ પંક્તિઓ ગમી
    તમે કેમ ‘ગાફિલ’ હજીયે છો ગાફિલ ?
    જુઓ, બદલે દુનિયા તકાજે – તકાજે.

  3. ashutosh shukla says:

    મે નાનપણ મા વાચલી રચના – ફર ઘણા દી ઐ વાચ. ગમી

  4. Ketan Raiyani says:

    As same as one Gazal from “Mariz saheb”..You can read this at:
    http://tahuko.com/?p=603

  5. સુંદર ગઝલ… બધા જ શેર અર્થસભર અને ધ્યાનાર્હ બન્યા છે

  6. lalit rajyaguru bagdana says:

    ખુબ સરસ ગમ્યુ
    જુદી જિંદગી છે મિજાજે – મિજાજે;
    જુદી બંદગી છે નમાજે – નમાજે.

    છે એક જ સમંદર, થયું એટલે શું ?
    જુદા છે મુસાફર જહાજે – જહાજે.

  7. dipti says:

    ગુજરાતી અભ્યાસ ક્રમમા આવતી આ ગઝલ એ વર્ષોમા ગમતી હતી અને આજે જ્યારે તેનો ભાવાર્થ સમજાયો ત્યારે કઈક વધારે ગમી.

  8. Mehmood says:

    તારું હોવું મારું હોવું સાવ અલગ અલગ
    જાવું સાચું એક જ કાંઠે નાવ અલગ અલગ

    માણસ છીએ અમ ઈબાદત છે એજ પ્રભુ
    મંદિરે મસ્જિદે ના અજમાવ અલગ અલગ

    બદલાય સમય તો શું શું બદલાય પુછ ના
    એની એ હો વાત પણ હો પ્રભાવ અલગ અલગ

  9. Himanshu Trivedi says:

    ભણવામાં આવતી … ખુબજ પ્રિય થઇ ગયેલી એવી પ્રથમ કવિતા – ગઝલ – એ વખતે એક કાચું-પાકું composition રચીને મિત્રો અને સ્નેહીઓ પાસે ગાવાનો પણ પ્રયત્ન કરેલો … સુખદ સંભારણા જીવનના – વાહ – આપનો આભાર – ભૂતકાળની મનગમતી ક્ષણોના સાક્ષાત્કાર માટે – હિમાંશુ

  10. jayesh patel says:

    જુદી જિંદગી છે મિજાજે – મિજાજે;
    જુદી બંદગી છે નમાજે – નમાજે.

    છે એક જ સમંદર, થયું એટલે શું ?
    જુદા છે મુસાફર જહાજે – જહાજે

    very good

  11. romil jani says:

    gafil sir rocks

Leave a Reply

Your email address will not be published. Required fields are marked *