જુદી જિંદગી છે – મનુભાઇ ત્રિવેદી ‘ગાફિલ’

જુદી જિંદગી છે મિજાજે – મિજાજે;
જુદી બંદગી છે નમાજે – નમાજે.

છે એક જ સમંદર, થયું એટલે શું ?
જુદા છે મુસાફર જહાજે – જહાજે.

ભલે હોય એક જ એ અંતરથી વહેતા,
છે સૂરો જુદેરા રિયાજે – રિયાજે.

જુદા અર્થ છે શબ્દના બોલવા પર,
છે શબ્દોય જુદા અવાજે – અવાજે.

જીવન જેમ જુદાં છે કાયામાં જુદી,
છે મૃત્યુય જુદાં જનાજે – જનાજે.

હઠી જાય ઘૂંઘટ, ઢળી જાય ઘૂંઘટ,
જુદી પ્રીત જાગે મલાજે – મલાજે.

તમે કેમ ‘ગાફિલ’ હજીયે છો ગાફિલ ?
જુઓ, બદલે દુનિયા તકાજે – તકાજે.

11 thoughts on “જુદી જિંદગી છે – મનુભાઇ ત્રિવેદી ‘ગાફિલ’

  1. મનીષ મિસ્ત્રી

    શાહબુદ્દીનભાઈ રાઠોડના અવાજમાં તેમની એક સુપ્રસિદ્ધ રજુઆત – કદાચ “વનેચંદનો વરઘોડો” માં એમણે કેટલીક પંક્તીઓ સાંભળી ત્યારથી આ રચના ગમતેલી, આભાર!

    Reply
  2. pragnaju

    આ પંક્તિઓ ગમી
    તમે કેમ ‘ગાફિલ’ હજીયે છો ગાફિલ ?
    જુઓ, બદલે દુનિયા તકાજે – તકાજે.

    Reply
  3. lalit rajyaguru bagdana

    ખુબ સરસ ગમ્યુ
    જુદી જિંદગી છે મિજાજે – મિજાજે;
    જુદી બંદગી છે નમાજે – નમાજે.

    છે એક જ સમંદર, થયું એટલે શું ?
    જુદા છે મુસાફર જહાજે – જહાજે.

    Reply
  4. dipti

    ગુજરાતી અભ્યાસ ક્રમમા આવતી આ ગઝલ એ વર્ષોમા ગમતી હતી અને આજે જ્યારે તેનો ભાવાર્થ સમજાયો ત્યારે કઈક વધારે ગમી.

    Reply
  5. Mehmood

    તારું હોવું મારું હોવું સાવ અલગ અલગ
    જાવું સાચું એક જ કાંઠે નાવ અલગ અલગ

    માણસ છીએ અમ ઈબાદત છે એજ પ્રભુ
    મંદિરે મસ્જિદે ના અજમાવ અલગ અલગ

    બદલાય સમય તો શું શું બદલાય પુછ ના
    એની એ હો વાત પણ હો પ્રભાવ અલગ અલગ

    Reply
  6. Himanshu Trivedi

    ભણવામાં આવતી … ખુબજ પ્રિય થઇ ગયેલી એવી પ્રથમ કવિતા – ગઝલ – એ વખતે એક કાચું-પાકું composition રચીને મિત્રો અને સ્નેહીઓ પાસે ગાવાનો પણ પ્રયત્ન કરેલો … સુખદ સંભારણા જીવનના – વાહ – આપનો આભાર – ભૂતકાળની મનગમતી ક્ષણોના સાક્ષાત્કાર માટે – હિમાંશુ

    Reply
  7. jayesh patel

    જુદી જિંદગી છે મિજાજે – મિજાજે;
    જુદી બંદગી છે નમાજે – નમાજે.

    છે એક જ સમંદર, થયું એટલે શું ?
    જુદા છે મુસાફર જહાજે – જહાજે

    very good

    Reply

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>