ને ભરાણી છે સભાઓ ઢાંકણાંની – અનિલ ચાવડા

વાત છે લોહી ઊડ્યું એ છાંટણાની.
ત્યાં ગણતરી શું કરું હું આંકડાની ?

બોલ હે ઈશ્વર ! મને કંડારવામાં
આંગળાની ભૂલ છે કે ટાંકણાની ?

સાવ સુક્કા વૃક્ષ જેવું મોં કરીને,
પાંદડાંની વાત કે’ છે, પાંદડાંની ?

વૃદ્ધથી રડવું જ રોકી ના શકાયું,
વાત જ્યારે નીકળી આ બાંકડાની.

એક માણસ નામની ફૂટી છે શીશી,
ને ભરાણી છે સભાઓ ઢાંકણાંની.

– અનિલ ચાવડા

3 replies on “ને ભરાણી છે સભાઓ ઢાંકણાંની – અનિલ ચાવડા”

  1. એક માણસ નામની ફૂટી છે શીશી,
    ને ભરાણી છે સભાઓ ઢાંકણાંની.

    બહુ જ સરસ્…

Leave a Reply

Your email address will not be published. Required fields are marked *