હરિ તો હાલે હારોહાર ! – કૃષ્ણ દવે

હું જાગું ઈ પ્હેલા જાગી ખોલે સઘળા દ્વાર

હરિ તો હાલે હારોહાર
નહિતર મારા કામ બધા કાંઈ ઉકલે બારોબાર ?
હરિ તો હાલે હારોહાર.
ખૂબ ઉકાળે, બાળે, ગાળે, દ્વેષ રહે ના લેશ
પછી કહે થા મીરા કાં ધર નરસૈયાનો વેશ
હું ય હરખની હડી કાઢતો ધોડું ધારોધાર
હરિ તો હાલે હારોહાર.
વાતે વાતે ઘાંઘા થઇ થઇ ઘણાય પાડે સાદ
સાવ ભરોસે બાથ ભરી જે વળગે ઈ પ્રહલાદ
તાર મળ્યે ત્રેવડ આવે ઈ નીરખે ભારોભાર
હરિ તો હાલે હારોહાર.
મુઠ્ઠીમાં શું લાવ્યા એની ઝીણી એને જાણ
પ્હોચ પ્રમાણે ખાટા મીઠા પણ જે ધરતા પ્રાણ
એની હાટડીએ હાજર ઈ કરવા કારોબાર
હરિ તો હાલે હારોહાર.
– કૃષ્ણ દવે

5 replies on “હરિ તો હાલે હારોહાર ! – કૃષ્ણ દવે”

  1. Upendraroy says:

    Krishnbhai is always off the track kind of poet……beautiful Bhakti Geet.Gaya too…..but,it would have doubled the pleasure,if composed and sung bhakti Geet have been posted..this is just a suggestion..it is vry nice !!!

  2. Atul says:

    ખુબ સરસ

  3. ati sundar,
    atlu saras bhakti-pad ane puro samarpan no bhav. kharekhar ekdam bhav-vibhor thai javayu.
    ema pan
    ” વાતે વાતે ઘાંઘા થઇ થઇ ઘણાય પાડે સાદ
    સાવ ભરોસે બાથ ભરી જે વળગે ઈ પ્રહલાદ ”
    આ પદ તો સમ્પુર્ન હરિ ને જ સમર્પિત થાવ તો જ સમજાય .
    ખુબ આભાર આ ભક્તિ-પદ આપવા બદલ.

  4. જયશ્રિ બેન્
    ખુબ આભાર આ ભક્તિ-પદ આપવા બદલ

    આ પદ ને સ્વર મા હોય તો મોકલવા વિનંતિ

  5. Sudhir Patel says:

    ખૂબ સુંદર ગીત!
    સુધીર પટેલ.

Leave a Reply

Your email address will not be published. Required fields are marked *