મૌનનો ક્યાંયે મંતર હોય ?
ટહુકાનું ભાષાંતર હોય ?
કક્કો ઘૂંટીને શું થાય ?
પ્રેમનું તે કંઈ ભણતર હોય ?
મહેનતથી મ્હેંકે છે કાય,
પરસેવાનું અત્તર હોય ?
આભ જુઓ ત્યારે સમજાય,
ભીંત વગર પણ છત્તર હોય.
માતા જેવું કોઈ ન ગાય,
હાલરડાનું જંતર હોય ?
– મકરંદ મુસળે
PAHELI SHARUAAT CHHE
બિંદુની જોડણી હોય્?
સુરેશ શાહ, સિંગાપોર
એક વખત વાંચેલુ યાદ આવ્યુ – મૌન નુ વક્તુત્રવ. મૌનનો ક્યાંયે મંતર હોય ? મૌન ઘણુ કહી જાય છે, જેમ a picture tells thousand words. પણ વાત બહુ સાચી કરી તમે, મકરંદભાઈ. કક્કો ઘૂંટીને શું થાય ? પ્રેમનું તે કંઈ ભણતર હોય ? અત્યાર સુધી ની ટહુકાની રચનાઓનું ભાષાંતર ક્રરવાનુ મન થઈ જાય – ગમતાનો ગુલાલ કરવા. પણ સહેલુ નથી. અનુવાદ કદાચ કરી શક્યો; પરંતુ ભાવાનુવાદ નુ શું?
– સુરેશ શાહ, સિંગાપોર
વાહ મકરંદભાઇ!
ટહુકો, પ્રેમ અને હાલરડુ, બધાની ભાષા યુનિવર્સલ છે એ તમે કેટલી સુંદર રીતે પ્રસ્તુત કર્યુ!
સુન્દર અતિ સુન્દર ….