વરસાદમાં – ઉર્વીશ વસાવડા

એ રીતે આવીને મળ વરસાદમાં
છોડ છત્રી, ને પલળ વરસાદમાં

આપણું શૈશવ મળે પાછું ફરી
હોય એવી બે’ક પળ વરસાદમાં

તાપથી તપતી ધરાના દેહ પર
લેપ લપાતો શીતળ વરસાદમાં

મોર, ચાતક, વૃક્ષની સંગાથમાં
નાચતી સૃષ્ટિ સકળ વરસાદમાં

વ્હાલ ઈશ્વરનું વરસતું આભથી
તું કહે વરસે છે જળ વરસાદમાં

– ઉર્વીશ વસાવડા

5 replies on “વરસાદમાં – ઉર્વીશ વસાવડા”

  1. આપણું શૈશવ મળે પાછું ફરી
    હોય એવી બે’ક પળ વરસાદમાં
    અને ,
    વ્હાલ ઈશ્વરનું વરસતું આભથી
    તું કહે વરસે છે જળ વરસાદમાં

    ઍટલી સુન્દ પંક્તી કે સાભળતા જ પલળી જવાય

    આવી રચના આપવા માટૅ વસાવડા નૅ ખુબ ધન્યવાદ્.

Leave a Reply to rajesh parikh Cancel reply

Your email address will not be published. Required fields are marked *