કોઈ અડક્યું તો કમાલ થઈ ગઈ – અનિલ ચાવડા

કોઈ અડક્યું તો કમાલ થઈ ગઈ,
ભીતર ધાંધલધમાલ થઈ ગઈ.

કોઈ આંખ જો ભીની થઈ તો,
કોઈ આંગળી રૂમાલ થઈ ગઈ.

પંખીએ બે ટહુકા વેર્યા,
હવા બધીયે ગુલાલ થઈ ગઈ.

ડાળે ડાળે શુભ સંદેશા,
ઋતુઓ સઘળી ટપાલ થઈ ગઈ.

ઝાકળની જયાં વાત કરી ત્યાં,
સૂરજ સાથે બબાલ થઈ ગઈ.

– અનિલ ચાવડા

( આભાર – કવિની વેબસાઇટ :  anilchavda.com)

7 replies on “કોઈ અડક્યું તો કમાલ થઈ ગઈ – અનિલ ચાવડા”

  1. તમામ મિત્રોનો આભાર…
    બધાને નવા વર્ષ માટે નૂતન વર્ષાભિનંદન…
    જયશ્રી બહેનનો આભાર…

  2. સુન્દર્!!!
    દરેક શેર પર ખુશ…
    પણ છેલ્લો શેર સહેજ જુદા મુડ નો લાગ્યો…

Leave a Reply to Vijay Bhatt ( Los Angeles) Cancel reply

Your email address will not be published. Required fields are marked *