(ઉરના એકાન્ત મારા… Photo from Flickr)
* * * * * * *
સ્નેહીનાં સોણલા આવે સાહેલડી !
ઉરના એકાન્ત મારા ભડકે બળે :
હૈયાનાં હેત તો સતાવે, સાહેલડી !
આશાની વેલ મારી ઊગી ઢળે.
ચડ્યું પૂર મધરાતનું, ગાજે ભર સૂનકાર :
ચમકે ચપળા આભમાં,
એવા એવા છે પ્રિયના ચમકાર : રે સાહેલડી !
ઉરના એકાન્ત મારા ભડકે બળે.
ઝરમર ઝરમર મેહુલો વરસે આછે નીર :
ઊને આંસુ નયનો ભીંજે,
એવાં એવાં ભીંજે મારા ચીર : રે સાહેલડી !
ઉરના એકાન્ત મારા ભડકે બળે.
અવની ભરી, વન વન ભરી, ઘુમે ગાઢ અંધાર,
ઝબકે મહીં ધૂણી જોગીની,
એવા એવા છે પ્રિયના ઝબકાર : રે સાહેલડી !
ઉરના એકાન્ત મારા ભડકે બળે.
ઝીણી જ્યોતે ઝળહળે પ્રિયનો દીપક લગીર :
પડે પતંગ, મહીં જલે,
એવી એવી આત્માની અધીર : રે સાહેલડી !
ઉરના એકાન્ત મારા ભડકે બળે.
ખૂંચે ફૂલની પાંદડી, ખૂંચે ચંદ્રની ધાર :
સ્નેહીનાં સંભારણા
એવાં એવાં ખૂંચે દિલ મોઝાર : રે સાહેલડી !
ઉરના એકાન્ત મારા ભડકે બળે.
- ન્હાનાલાલ કવિ
July 26th, 2009 at 6:40 am
Respected Jayshreeben,
Hats off! I have no comments. I under estimated your collection. Your collection is great. My greetings and congratulations to you.
I am very much impressed by going through today!s post of Kavi Nanalal.
yours Truly,
Harsukh Doshi
July 26th, 2009 at 10:01 am
સરસ ગીત્.
સપના
July 26th, 2009 at 12:05 pm
હળવે હાથે વાંચવું પડે એવું લયસભર અને એથીય વિશેષ ભાવસભર ગીત…
શ્રી હરસુખભાઈ,
ટહુકો પર માત્ર ન્હાનાલાલની જ નહીં, મોટા ભાગના કવિઓની અજરામર કૃતિઓ તમને જડશે… જરૂર છે એક ડૂબકી મારવાની… વેબજગત પર આ એક એવો સાગર છે જે તમને ડૂબકી મારતાવેંત ખોબલોક મોતી આપવાની ખાતરી પણ આપે છે !!!
July 26th, 2009 at 3:59 pm
સરસ ગીત.. મજા આવી ગઈ !
July 26th, 2009 at 4:27 pm
Hi Jayshree !!!
Nice wordings but, NRG people like us needs “SUR,GEET & Sangeet”…. Unless u give with music we just can cherish words !!!!
Try !!! Thanks a ton !!
Warm Regards,
RAJESH VYAS
July 26th, 2009 at 6:39 pm
ભાવસભર સાહેલીની વાત કવિ નાનાલાલ જ કહી શકે, ડો. વિવેકભાઈએ કહ્યુ તે મુજબ હળવે હાથે માણવૂ પડે એવી રચના, અભિનદન અને આભાર્…..
July 27th, 2009 at 3:36 am
સરસ ગીત.
એક બે દિવસ પહેલાની રચના (અભિસારે અનંતના)ની કક્ષાનું આ ગીતનું સ્વરાંકન થાય (કે કદાચ થયું પણ હોય) તો આ ગીતની વિશિષ્ટતા વધુ સારી રીતે પ્રગટ થાય એમાં કોઈ શંકા નથી.
July 27th, 2009 at 4:52 am
પ્રિય જયશ્રી,
સુંદર ગીતની ભેટ બદલ ખૂબ આભાર !