કાવ્યયાત્રા – અશરફ ડબાવાલા અને મધુમતી મહેતા

ગઇકાલે – ૧૮મી જાન્યુઆરીએ મુંબઇ ભાઇદાસ હોલમાં – સર્જક દંપતી અશરફ ડબાવાલા અને મધુમતી મહેતાના ગઝલ સંગ્રહ – ‘વાણીપત’ અને ‘નામ તારું રુદ્રાક્ષ પર’ નું એકસાથે વિમોચન થયું. આપણા સર્વ તરફથી એમને હાર્દિક શુભેચ્છાઓ..!! મુંબઇ – ગુજરાતમાં એમની ‘કાવ્યયાત્રા’ વિશે વધુ માહિતી આ રહી.

Ashraf_Dabawala_MadhumatiMehta

અમારી દુર્દશા માટે તમારા વાંક શું ગણવા ?
છળે શ્વાસો જ અમને તો હવાના વાંક શું ગણવા ?

અમે શ્રદ્ધા ગુમાવીને પછી રસ્તે જ બેસી ગ્યા,
તમારા તીર્થ કે એની ધજાના વાંક શું ગણવા ?

ઊણપ ઉપચારમાં લાગે જગતનો એ જ નિયમ છે,
દરદની ઓથ લૈ લે તું, દવાના વાંક શું ગણવા ?

મને મારી જ હદ છે કેટલી એની ખબર ક્યાં છે
અને એમાં વળી તારી ગજાના વાંક શું ગણવા ?

અમે આ મોરના પીંછાથી આગળ જૈ નથી શકતા,
તો એમાં મોર કે એની કળાના વાંક શું ગણવા ?

-અશરફ ડબાવાલા

9 replies on “કાવ્યયાત્રા – અશરફ ડબાવાલા અને મધુમતી મહેતા”

  1. mahesh rana vadodara says:

    THANKS FOR THE INFORMATION MY ALL GOOD WISHES TO THEM

  2. Dr. Jayendra Thakar says:

    વાહ વાહ!
    ઊણપ ઉપચારમાં લાગે જગતનો એ જ નિયમ છે,
    દરદની ઓથ લૈ લે તું, દવાના વાંક શું ગણવા ?

    દોક્તરો તો આ વાતથી ઘણાં વાકેફ છે!

  3. anil bhatt says:

    abhinandan. sundr kruti.

  4. Maheshchandra Naik says:

    કાવ્યયાત્રાને અમારી શુભકામનાઓ……….અને માહિતી માટે આપનો આભાર…………….

  5. Ravindra Sankalia. says:

    અશરફ ડબ્બાવાળાનુ કાવ્ય વાન્ક શુ ગણવા ઘણુજ ગમ્યુ. એમની યાત્રાની માહિતી વિષે આભાર

  6. અશરફભાઈ અને મધુમતી બહેન,
    બન્ને ને નવા કાવ્ય સંગ્રહ માટ ખુબ ખુબ અભિનંદન. આવા જ સરસ કાવ્યસંગ્રહ આપતા રહો એવી શુભેચ્છા.

  7. sweety says:

    અમે આ મોરના પીંછાથી આગળ જૈ નથી શકતા,
    તો એમાં મોર કે એની કળાના વાંક શું ગણવા ?

    બહુજ સરસ

  8. manubhai1981 says:

    બન્નેનો ખૂબ જ આભાર. આ ક્રુતિ ગમી.

  9. gita c kansara says:

    બન્નેને ધન્યવાદ્.

Leave a Reply

Your email address will not be published. Required fields are marked *