માનવીએ કેટલી ભીંતો ચણી વરસાદમાં ! – આદિલ મન્સૂરી

 rainy

કેટલી માદકતા સંતાઇ હતી વરસાદમાં !
મસ્ત થઇ સૃષ્ટિ બધી ઝૂમી ઊઠી વરસાદમાં !

રેઇનકોટ, છત્રીઓ, ગમ શૂઝ, વોટરપ્રૂફ હેટ્સ
માનવીએ કેટલી ભીંતો ચણી વરસાદમાં !

કેટલો ફિક્કો અને નિસ્તેજ છે  બીમાર ચાંદ
કેટલી ઝાંખી પડી ગઇ ચાંદની વરસાદમાં !

કોઇ આવે છે ન કોઇ જાય છે સંધ્યા થતાં
કેટલી સૂની પડી ગઇ છે ગલી વરસાદમાં !

એક તું છે કે તને કંઇ પણ નથી થાતી અસર,
ભેટવા દરિયાને ઊછળે છે નદી વરસાદમાં.

લાખ બચવાના કર્યા એણે પ્રયત્નો તે છતાં
છેવટે ‘આદિલ’ હવા પલળી ગઇ વરસાદમાં.

8 replies on “માનવીએ કેટલી ભીંતો ચણી વરસાદમાં ! – આદિલ મન્સૂરી”

  1. Vijay Bhatt ( Los Angeles) says:

    The poetry ends after the second Sher….!
    Subsequent Shers are good but not –
    TKIYA KALAM!!!

  2. Pravin Shah says:

    મસ્ત થઇ સૃષ્ટિ બધી ઝૂમી ઊઠી વરસાદમાં !
    ભેટવા દરિયાને ઊછળે છે નદી વરસાદમાં……..
    વાંચતાં જ ઝૂમી ઊઠાય એવી વરસાદી ગઝલ!

  3. વરસાદની મોસમમાં મઆણવી ગમે તેવી ગઝલ

  4. રેઇનકોટ, છત્રીઓ, ગમ શૂઝ, વોટરપ્રૂફ હેટ્સ
    માનવીએ કેટલી ભીંતો ચણી વરસાદમાં !
    -યાદગાર શેર…

    આદિલભાઈ આજે સુરત પધારે છે એ પ્રસંગે આ ગઝલના અભિવાદનથી એમનું સ્વાગત…

  5. pragnaju says:

    આદિલ ની યાદગાર ગઝલ
    એક તું છે કે તને કંઇ પણ નથી થાતી અસર,
    ભેટવા દરિયાને ઊછળે છે નદી વરસાદમાં.
    વાહ્

  6. Dr Harshad says:

    ઓલવાતા આંગણા ને ઠરતી આ ધરતી માથે
    સળગે ભીનો કોઈનો વાન આ વરસાદમાં !

    ડૉ હર્ષદ વૈદ્ય
    એમ ડી ( ગાયનેક )
    ખેરાલુ

  7. Nirmal says:

    Sunder rachna 6e!!!!!!!!!
    By This line I reminded my friends and my childhood!!!!!!!!!
    એક તું છે કે તને કંઇ પણ નથી થાતી અસર,
    ભેટવા દરિયાને ઊછળે છે નદી વરસાદમાં.

  8. Bhadresh Joshi says:

    To Dr Harshad Bhatt,

    Excellent Rejoinder, Excellent.

Leave a Reply

Your email address will not be published. Required fields are marked *