ક્યારેક કલ્પનામાં તને એ રીતે મળું – રાજેશ વ્યાસ ‘મિસ્કીન’

 river

ક્યારેક કલ્પનામાં તને એ રીતે મળું,
મારામાં પાંચ-સાત નદી વહેતી સાંભળું

બહુ મોડી રાત સુધી રહુ ખોવાયેલો અને,
કોઇ ઘસઘસાટ ઊંઘતા ચહેરામાં નીકળું.

તારામાં કમળ જેમ ઊઘડતો તને મળીશ,
ઇચ્છા તો કર ઓ પહાડ સરોવરમાં ઓગળું.

ઊંચકી જતું હો પહાડ બરફનો કોઇ કિરણ,
કૈં એમ ઉદાસીની વચ્ચે રોજ ઝળહળું.

ઘરને સજાવતો રહ્યો આ હાથ જડભરત,
મૂકી દઇ ખૂણામાં મને વાળી ગૂંચળું.

‘મિસ્કીન’ સવારે જે ગઝલો ઢગલો જૂઇનો,
રહી છે રાતભર એ લોહીમાં બળુંબળું.

– રાજેશ વ્યાસ ‘મિસ્કીન’

4 replies on “ક્યારેક કલ્પનામાં તને એ રીતે મળું – રાજેશ વ્યાસ ‘મિસ્કીન’”

  1. Pravin Shah says:

    મારામાં પાંચ-સાત નદી વહેતી સાંભળું……
    કૈં એમ ઉદાસીની વચ્ચે રોજ ઝળહળું………
    આત્મા સાથે આત્મસાત થવાની આવી કેટલીય સુંદર કલ્પનાઓ કવિના લોહીમાં ઝળહળ થાય છે!
    એક સુંદર ગઝલ!
    આભાર!

  2. pragnaju says:

    મઝાની ગઝલ
    ‘મિસ્કીન’ સવારે જે ગઝલો ઢગલો જૂઇનો,
    રહી છે રાતભર એ લોહીમાં બળુંબળું.
    કેટલું સુંદર્

  3. સુંદર રચના…

  4. Jayesh kumar says:

    Sari gazal chhe pan
    Aa gazal ma chhand dosh chhe

Leave a Reply

Your email address will not be published. Required fields are marked *