આખીએ રાત તને કહેવાની વાત… – હર્ષદ ચંદારણા

સ્વર : સંજય ઓઝા
સ્વરકાર : માલવ દિવેટીઆ

dew

.

આખીએ રાત તને કહેવાની વાત મેં
બોલ્યે રાખી તો થયાં ઝાકળનાં પાંચ સાત ટીપાં…

હોઠે જો હોત એ પંખીનું ગીત થઇ
છોડી હું દેત એને ફળિયાની ડાળના માળામાં
પગની જો થાત એ રણઝણતી ઝાંઝરી
મૂકી હું દેત એને સત્તરમા ઓરડે તાળામાં

અરે આંખોથી, ખોબાથી, ફૂલોથી, પાનોથી
કેમે સચવાય ના, ઝાકળનાં પાંચ-સાત ટીપાં…

પહેલું કિરણ જ્યાં સોયની અણી થઇ
સૂરજનું ખૂંપ્યું તો ફૂંટ્યાં કાળા ડિબાંગ પરપોટા
બીજું કિરણ જ્યાં ટીપાંને સ્પશ્યું ત્યાં
ટીંપાંમાં પડી ગયાં જળનાં ય કારમા તોટાં

મારા બોલ્યાનો નાદ, તને કહેવાની વાત ને
અંધારી રાત થયા દિવસ જેવા જ ખાલીપા…

– હર્ષદ ચંદારણા

21 replies on “આખીએ રાત તને કહેવાની વાત… – હર્ષદ ચંદારણા”

  1. સુન્દર કાવ્ય સે.ગુધાર્થ ઘનો ચ્હે.અલન્કારિક ભાશા સે.ખુબજ મજા આવિ.મનેતો સામ્ભલવાનિ મજા આવે.ગુજરાતિ માત્રુ ભાશા સમજવામા સરલ સે ગમે.

  2. congrates harshadbhai ……….

    i remember when at amreli somebody sungs this song in your

    programme. i was also accompnied by flute at that time. again

    congrates for take place in this web site

  3. સાવ સાચુ કહુ? મારા પ્રિય ગિત પૈકિ નુ આ એક ગિત છે. કે અમ્રેલિ મા આ ગિત રજુ

    થયુ ત્યારે બન્સરિ સન્ગત કરેલ તે યાદ આવ્યુ. કવિ અને સ્વર્કાર ને અભિનન્દન્

  4. સ્વરકાર અને ગીતકાર ને અભિનંદન ખરેખર દિલને ગમ્યું આખી રાત ….

  5. આખીએ રાત તને કહેવાની વાત મેં
    બોલ્યે રાખી તો થયાં ઝાકળનાં પાંચ સાત ટીપાં…

    ખુબજ સરસ કલ્પ્ના..કવિતાની આ બે પન્ક્તિ બહુ ગમી..

  6. અરે આંખોથી, ખોબાથી, ફૂલોથી, પાનોથી
    કેમે સચવાય ના, ઝાકળનાં પાંચ-સાત ટીપાં…

    નજ્રર નીચી રાખી ને સલામ્ …………….

  7. પહેલું કિરણ જ્યાં સોયની અણી થઇ
    સૂરજનું ખૂંપ્યું તો ફૂંટ્યાં કાળા ડિબાંગ પરપોટા
    બીજું કિરણ જ્યાં ટીપાંને સ્પશ્યું ત્યાં
    ટીંપાંમાં પડી ગયાં જળનાં ય કારમા તોટાં

    ઍક કવિ જેણે દરેક સ્વાસ મા કાવ્ય જિવ્યુ છે……

  8. Bhai Harshad Chandarana:

    It has been almost 39 years when I left Chalala, since I have seen you. Congratulations on your excellent poem. I enjoyed in listening the lyric, and music and the singer as well.

    Keep on posting.

    Ishwar
    Houston Texas

  9. અતિ સુંદર સ્વર , ગુજરાતિ ગાવુ એજ અઘરું ચે. એમાં પણ આવું અઘરું ગીત. સુંદર અવાજ અનૅ સ્વરરચના.
    Enjoyed 🙂

  10. જય શ્રિ ક્રિશ્ન.. હર્શદ કાકા. મજામા ને??? આ ગેીત તો સરસ હતુ, તમારા બાકિ ના સોન્ગ અને પોએત્ર્રિ ક્યા ચે??

  11. સુંદર ગીત! અને એવી જ સ્વરરચના ને ગાયકી!
    બોલ્યે રાખી તો થયાં ઝાકળનાં પાંચ સાત ટીપાં…
    આભાર!

  12. ગીત વાંચ્યું ત્યારે લાગ્યું કે આ કઈ રીતે ગાઈ શકાય પણ સાંભળ્યું ત્યારે સાનંદાશ્ચર્ય થયું…. અભિનંદન… સ્વરકાર અને સંગીતકારને…

  13. સુંદર ગીત
    મારા બોલ્યાનો નાદ, તને કહેવાની વાત ને
    અંધારી રાત થયા દિવસ જેવા જ ખાલીપા…
    મધુરા સ્વરમા સાંભળતા અંતરમા એક કસક્

Leave a Reply to Beena Parmar Cancel reply

Your email address will not be published. Required fields are marked *