તમે ગમગીન થઇ જાશો – નાઝીર દેખૈયા

સ્વર – રુચા મેહતા
સંગીત – મોહંમદ દેખૈયા

તમે ગમગીન થઇ જાશો,ન મારા ગમ સુધી આવો;
ભલા થઈ ના તમે આ જીવના જોખમ સુધી આવો.

ભલે ઝાકળ સમી છે જિંદગી પણ લીન થઈ જાશું
સૂરજ કેરાં કિરણ થઈને જરા શબનમ સુધી આવો.

તમે પોતે જ અણધારી મૂકી’તી દોટ કાંટા પર
કહ્યું’તું ક્યાં તમોને ફૂલની ફોરમ સુધી આવો?

લગીરે ફેર ના પડશે અમારી પ્રિતમાં જોજો;
ગમે ત્યારે ગમે ત્યાં જિંદગીના દમ સુધી આવો.

નિછાવર થઈ ગયાં છે જે તમારી જાત પર ‘નાઝિર’;
હવે કુરબાન થાવા કાજ એ આદમ સુધી આવો.

– નાઝીર દેખૈયા

6 replies on “તમે ગમગીન થઇ જાશો – નાઝીર દેખૈયા”

  1. M.D.Gandhi, U.S.A. says:

    બહુ સુંદર ગઝલ છે.

  2. Jay Maneksha says:

    વાહ ખુબજ સુંદર..ઃ)

  3. manubhai1981 says:

    જીવના જોખમ સુધી,શબનમ સુધી,ફૂલની ફોરમ સુધી.,
    જિનદગીના દમ સુધી…અરે..આદમ સુધી તો આવો !
    રુચાબહેનાએ સુઁદર કઁઠ આપ્યો છે.આભાર..અભિનઁદન !

  4. MAHESHCHANDRA NAIK says:

    સરસ ગઝલ્,નાઝીર સાહેબને સલામ્……

  5. વાહ . આ સુંદર કમ્પોઝિશન મે વર્શો પહેલાં ગાયેલું. ટહુકો પર મુકવા બદલ આભાર. મહમદભાઇને જાણીને આનંદ થશે.. આ રહી લિંક..

    http://www.youtube.com/watch?v=lIDp6xioxdw

  6. KUMAR JOSHI says:

    તમે પોતે જ અણધારી મૂકી’તી દોટ કાંટા પર
    કહ્યું’તું ક્યાં તમોને ફૂલની ફોરમ સુધી આવો?

    Khubaj saras ………………….. salam……………………

Leave a Reply

Your email address will not be published. Required fields are marked *