આટલું બધું વ્હાલ તે કદી હોતું હશે ? – સુરેશ દલાલ

ગઇકાલે અમારા Bay Area ના ગુજરાતીઓને Munshi Trio અને તુષારભાઇ સાથે ‘મસ્તી અમસ્તી’માં ખૂબ જ મઝા આવી..! Unforgettable Experience..! અને આજે અમે તૈયાર છીએ – ગુજરાતી ગીતો-ગઝલોનો બારમાસી વૈભવ માણવા ..!! તો એની જ પૂર્વતૈયારી રૂપે તમને સંભળાવું – આ  મારું એકદમ ગમતું ગીત..!  અને એમાં પણ આ શબ્દો –

જીરવ્યો કેમ રે જાય વલોપાત આટલી હદે ?
આટલો બધો પ્રેમ શું કદી કોઈને સદે ?

અને એક નશા પર બીજો નશો ચડતો હોય એમ – સુરેશ દલાલના આ શબ્દો અને શ્યામલભાઇનો અવાજ..!!

કોઈ પારેવું વાદળભરી રોતું હશે ? ...!

સ્વર : શ્યામલ  મુન્શી
સંગીત : શ્યામલ-સૌમિલ  મુન્શી

.

આટલું બધું વ્હાલ તે કદી હોતું હશે ?
કોઈ પારેવું વાદળભરી રોતું હશે ?

જીવનમાં બસ એક જ ઘટના, એક જ ઘટના
ભીતર એક જ નામની રટના, નામની રટના.
પોતાનું તે નામ કદી કોઈ ખોતું હશે ?
કોઈ પારેવું વાદળભરી રોતું હશે ?     આટલું બધું  o

જીરવ્યો કેમ રે જાય વલોપાત આટલી હદે ?
આટલો બધો પ્રેમ શું કદી કોઈને સદે ?
નજર લાગે એમ શું કોઈને જોતું હશે ?
કોઈ પારેવું વાદળભરી રોતું હશે ?      આટલું બધું  o

– સુરેશ દલાલ

12 replies on “આટલું બધું વ્હાલ તે કદી હોતું હશે ? – સુરેશ દલાલ”

  1. ગેીત મુન્શીજી પાસે સુન્દર રાગે અને સૂરે સાઁભળ્યુઁ.
    ગેીત કોને સઁબોધીને ગવાયુઁ છે તે અસ્પષ્ટ રહ્યુઁ.
    આભાર જ. ને અ .નો. ..ગેીત માણ્યુઁ.

  2. you are doing a great job – keep it up – we far from
    Gujrat ( Nairobi – Kenya) enjoy the site and keep in touch with our Matru -bhasa.If you ever come to Nairobi , will be pleased to meet you and your team

  3. आमा शुं वात छे ते मने खबर नथी पडती।

    हु तो एम कहु –

    मा जेटलो प्रेम कदी कोई देतु हशे ?
    प्रभु जेटलो प्रेम कदी कोई देतु हशे ?

    જ્ય શ્રી ક્રિશ્ણ
    સુરેશ વ્યાસ

  4. વાહ !સરસ.
    વ્હાલનો દરિયો,
    કદી ખારો હોતો હશે?
    જરા ચાખી તો જો,
    મધ કદી,
    ખારુ હોતુ હશે?

  5. ખૂબ જ વહાલૉ જણાય અવાજ…
    આજૅ જણાયુ…કે આટલું બધું સરસ કોઇ ગાતુ હશે.?

Leave a Reply to manubhai1981 Cancel reply

Your email address will not be published. Required fields are marked *