સળગી ઉઠ્યો કિનારો – શયદા

sunset.jpg

એવો તે શું થયો મજધારે દોષ મારો;
પગ મુકતાંની સાથે સળગી ઉઠ્યો કિનારો.

ફાંફાં હજાર મારે છૂટે નહીં કિનારો;
ઊછળી રહ્યો છે સાગર પણ બિચારો.

જ્યાં ત્યાં ઝુકી ઝુકીને સીજદા કર્યા હજારો;
એથી જ તો ગયો છે એળે જનમ અમારો.

શાને હજારોમાં તું હૈયાસુનો ફરે છે?
જા, એકને શરણ જા, છે એકમાં હજારો

શાને વિચાર બીજા સંગીતના કરું હું;
ઉરમાં અગમ નિગમનો ગુંજે છે એકતારો.

પગ ઝાંઝરી વગાડી મધરાતના આ કોણે?
રગરગની ઝણઝણે છે શાથી બધી સિતારો.

કોની અજાણ દ્રષ્ટિ નર્તન કરી રહી છે;
શાથી ઝુમી રહ્યા છે બ્રહ્માંડ કૈં હજારોગ .

વામન બની જા પહેલે મળશે વિરાટ પદવી;
ભૂવ્યોમ માપવાના કરજે પછી વિચારો.

જીવન પછી છે મૃત્યુ, મૃત્યુ પછી છે જીવન;
ઘટમાળા એની એ છે એના તે શા વિચારો.

ખારાશ જો નથી તો જીવન મીઠાશ શું છે?
શાને કરે છે નિંદા સાગર કહીને ખારો?

તું કાલને ભરોસે શાને જીવન ગુમાવે;
આજે જ લે કરી બસ નિજ પાપમાં વધારો.

બીજાનો દોષ કાઢું એવો હું મુર્ખ ક્યાં છું;
મુજને ખબર છે સાથે, રક્ષક હતો લૂંટારો.

આથીએ વધારે ‘શયદા’ સદ્ભાગ્ય તે હશે શું?
તારા રૂદનથી માનવ હસતાં થયા હજારો.

9 replies on “સળગી ઉઠ્યો કિનારો – શયદા”

  1. sujata says:

    VERY EXPRESSIVE …….BAKI KAI KAHU TO SURAJ NI SAAME DIVO DHARYA JEVU LAAGE…….

  2. Kantibhai says:

    Simply awesome…..

  3. mukesh parikh says:

    જ્યાં ત્યાં ઝુકી ઝુકીને સીજદા કર્યા હજારો;
    એથી જ તો ગયો છે એળે જનમ અમારો.
    શાને હજારોમાં તું હૈયાસુનો ફરે છે?
    જા, એકને શરણ જા, છે એકમાં હજારો
    બહુ જ સુંદર ગઝલ. શયદા ને સલામ. કોઈ શેરમાં દર્દ તો કોઈ માં જીવન જીવવાની પ્રેરણા………

  4. pragnaju says:

    શયદાની સર્વાંગ સુંદર પ્રેરણાદાયી ગઝલ
    શાને વિચાર બીજા સંગીતના કરું હું;
    ઉરમાં અગમ નિગમનો ગુંજે છે એકતારો.
    વાહ્
    યાદ આવી
    અગમ જાનિકે નિગમ કહાયે, ખોજિ ખોજિ પચિહારે |
    જાનિ કે મૂલ ધનિ અંગના અપની, સો ઘર આયે હમારે
    પૂર્ણબ્રહ્મ બ્રહ્મ સે ન્યારે, આનન્દ અખંડ અપારે
    શિવ સનકાદિ આદિકે ઇચ્છિત, શેષ ન પાવત પારે

  5. manvantpatel says:

    એકને શરણે જા,એકમાઁ હજારો ! વાહ શયદા વાહ !
    આભાર જયશ્રીબહેનનો આ કૃતિ મૂકવા બદલ !

  6. prafulbhai mehta says:

    ય્શ્રેીબેન તમે મને ંઅન્હર ઊધસ ગયેલુ ગિત “ઍક ઝોલિમે ફુલ ભર્ય ચ્હે” સમ્ભ્લવિ શકો? આભર્ રફુલ ંએહ્ત.

  7. rajeshree trivedi says:

    સાવ સરળ શબ્દોમા જીવનની ગૂઢ ફિલસૂફી ચોટદાર છે.શયદાને યાદ કરવા બદલ ધન્યવાદ્.

  8. bhagvat trivedi says:

    ને સિત્તેર વર્શ પહેલ સુરતમા શયદા ને જોયા સામ્ભલ્યા હતા

  9. RAKSHIT DAVE says:

    કદાચ શયદાની જ આં રચના છે…બહુંજ જૂની છે

    આખી કવિતા યાદ નથી
    પણ શબ્દો કઇંક આવા છે

    આ બંધ બાંધ્યા હાથ પર તારા કહે કોણે કસી ?
    કેમ તું ગભરાય છે શું દુખ આવી છે પડ્યું ?

    કોઈની પણ પાસે આખું કાવ્ય હોય તો મેળવી આપવા વિનંતી.

Leave a Reply

Your email address will not be published. Required fields are marked *