એક બેવફા મારા મનદર્પણમાં દર્શન દઇને ચાલી ગઇ – અવિનાશ વ્યાસ

૨૧ જુલાઇ – કવિ શ્રી ઉમાશંકર જોષી અને કવિ-સ્વરકાર શ્રી અવિનાશ વ્યાસનો જન્મદિવસ..! ગઇકાલે અહીં ટહુકો પર શ્રી ઉમાશંકર જોષીને યાદ કર્યા, તો આવેા અવિનાશી અવિનાશ વ્યાસને પણ યાદ કરી લઇએ..!! અવિનાશી સંગીતનો વારસો જે એ આપણી વચ્ચે મૂકી ગયા છે – એનો નશો જેટલીવાર સાંભળો એટલીવાર વધુ ચડે એવો છે..!

સ્વર: સુરેશ વાડેકર
આલ્બમ: અમર સદા અવિનાશ

ભાંગ્યા મનની આદત એવી, કે ભૂલનારાને ભૂલે નહીં;
એક ડાળ ઝૂલ્યો મનપંખી, હવે બીજી ડાળે ઝૂલે નહીં.

એક બેવફા મારા મનદર્પણમાં દર્શન દઇને ચાલી ગઇ,
એક બેવફા કરી સ્નેહનું સર્જન, વિસર્જન થઇ ચાલી ગઇ.
એક બેવફા….

ઝંખી ઝંખી ઓ મનપંખી, ક્યાં સુધી રીબાવું?
તરસ્યા રહીને મૃગજળ માટે, ક્યાં સુધી વલખાવું?

એક બેવફા શબનમ બદલે, આંસુવન વરસાવી ચાલી ગઇ.
એક બેવફા….

ઓ બેરહમ તેં ફૂલ બિછાવી, કંટક નીચે રાખ્યા;
તું થઇ બેઠી ગૂલ કોઇનું, કાંટા મુજને વાગ્યા.

એક બેવફા બાગ બનાવી, આગ લગાવી ચાલી ગઇ.
એક બેવફા….

– અવિનાશ વ્યાસ

13 replies on “એક બેવફા મારા મનદર્પણમાં દર્શન દઇને ચાલી ગઇ – અવિનાશ વ્યાસ”

  1. IT IS SO BEAUTIFUL,WONDERFUL, SONG THAT I CAN’T SAY ANY THING MORE.I ENJOYED THIS GAZAL.SOME TIME THE WRITER OR A POET SAYS IN SUCHA MANNER THAT IT LIVES FOR LONGER PERIOD IN MINDS OF LISTENER.THE WORDS CAN BE MISSED BUT THE LIRICS, THE ARRANGED MUSIC MAKES IT UNFORGETTABLE.

  2. અવિનશભાઇના શબ્દો અને સુરેશભાઇની એટ્લી જ સુન્દર સન્ગીત રચના જાણે કે દર્દ નો દરિયો દરબારી રાગ મા ઉછ્હલ્યો .

  3. શ્રી અવિનાશજીની રચના,સુરેશજીનો સ્વર,જયશ્રી-અમિતની રજુઆત, વારંવાર સાંભળવાનો નશો ના ચડાવ્યા વગર રહે કે?

  4. અવિનાશભાઈની આ રચના એક ભગ્નપ્રેમીની વ્યથા એનુ દર્દ બહુ સરસ રીતે ય્યક્ત કરે છે.સુરેશ વાદડકરનો અવાજ પણ ગમ્યો.બહુ આનન્દ આવ્યો.

  5. વાહ ખુબ ટચિ રચના . હૈયુ ભરૈ ગયુ.. સરસ .
    અભાર રજુઅત માટે..

  6. ગાયકશ્રી.સુરેશજીને નમસ્કાર.
    અવિનાશજીને શ્રદ્ધાઁજલિ….
    જ.અને અ.નો આભાર !
    ઘણુઁ જ મધુરુઁ ગેીત માણ્યુઁ.

  7. શ્રી અવિનાશ વ્યાસને લાખ લાખ સલામ…… સ્મૃતીવંદના……..

  8. અમર સદા અવિનાશ.
    ગુજરાતી ગીત-સંગીતને લોકપ્રિય કરવામાં તેમનો સિંહ-ફાળો છે.

  9. ભાંગ્યા મનની આદત એવી, કે ભૂલનારાને ભૂલે નહીં;
    એક ડાળ ઝૂલ્યો મનપંખી, હવે બીજી ડાળે ઝૂલે નહીં…વળીવળી ને તુટી ગઈ..!!

Leave a Reply to manubhai1981 Cancel reply

Your email address will not be published. Required fields are marked *