વારતાના અંતમાં – દિનેશ કાનાણી

fall.jpg

એક માણસ હારવાનો વારતાના અંતમાં;
હું દિલાસો આપવાનો વારતાના અંતમાં.

સોળ આના સાવ સાચી વાત લઈ ને આવજો,
હું પુરાવો માગવાનો વારતાના અંતમાં.

પાનખરની કેટલી થઈ છે અસર એ શોધવા,
ડાળ લીલી કાપવાનો વારતાના અંતમાં.

હું તમારી જીતનો હિમાયતી છું એટલે,
સાથ કાયમ આપવાનો વારતાના અંતમાં.

કોણ મારા શ્વાસનો હકદાર છે એ જાણાવા,
રાત આખી જાગવાનો વારતાના અંતમાં.

જિંદગીભર આપતા આવ્યા છો જાકારો ભલે,
હું તમારો લાગવાનો વારતાના અંતમાં.

8 replies on “વારતાના અંતમાં – દિનેશ કાનાણી”

  1. કોણ મારા શ્વાસનો હકદાર છે એ જાણાવા,
    રાત આખી જાગવાનો વારતાના અંતમાં.

    આખી જ ગઝલ બહુ સુંદર…પરંતુ આ શેર અિત સુંદર…િદલ હાલી ગયું..

  2. સરસ ગઝલ
    આ શેરો વધુ ગમ્યા
    પાનખરની કેટલી થઈ છે અસર એ શોધવા,
    ડાળ લીલી કાપવાનો વારતાના અંતમાં
    જિંદગીભર આપતા આવ્યા છો જાકારો ભલે,
    હું તમારો લાગવાનો વારતાના અંતમાં.

  3. હુઁ પુરાવો માગવાનો વારતાના અઁતમાઁ ! સરસ !

Leave a Reply to Jatin Cancel reply

Your email address will not be published. Required fields are marked *