બાલ્ટીમોરના જંગલમાં – અનિલ જોશી

બાલ્ટીમોર જવાનું આજ સુધી થયું નથી..! પણ આ ગીત વાંચીને લાગે છે કે ભવિષ્યમાં કોઇકવાર ચોક્કસ જવું પડશે બાલ્ટીમોરના જંગલમાં રખડવા માટે..!

વાવટાની જેમ ઊભાં ઝાડ.... Patterson Park, Baltimore

પાણીની જેમ અહીં ઢોળાયું ઘાસ અને વાવટાની જેમ ઊભાં ઝાડ
ધૂળીયા મારગ તો ક્યાંય દેખાય નહીં બંધ આંખ્યુમાં લીલો ઉઘાડ

અહીં પગલાં ને પગરવ તો ભોંયવટો ભોગવતાં
ગાડું ચાલ્યાના નથી ચીલા
ફૂલ જેમ ઓચિંતા ઊઘડી ગયા
મારી છાતીમાં ધરબ્યા જે ખીલા

છૂટાછવાયા ઘર ઉપર તડકાની જેમ પથરાયા ઘાસના ઓછાડ
પાણીની જેમ અહીં ઢોળાયું ઘાસ અને વાવટાની જેમ ઊભાં ઝાડ !

માનવીના બોલ ક્યાંય સંભળાતા નૈ
બધે પંખીના કલરવના ધોધ
દુર્વાસા મુનિ બધે પૂછતા ફરે
તમે જોયો છે ક્યાંય મારો ક્રોધ ?

મારી ચામડાની બેગમાં જંગલનાં સંપેતરાં પહોંચાડું કોને કમાડ ?
પાણીની જેમ અહીં ઢોળાયું ઘાસ અને વાવટાની જેમ ઊભાં ઝાડ !

-અનિલ જોશી

9 replies on “બાલ્ટીમોરના જંગલમાં – અનિલ જોશી”

  1. chandrika says:

    જેવું સુંદર ગીત તેવુ જ સુંદર અને અનુરુપ ચિત્ર

  2. Pushpendraray Mehta says:

    પ્રક્રુતિ ના વર્ણન નુ સુન્દર કાવ્ય…
    અનિલ જોશિ ને અભિનન્દન્…..

  3. ખુબજ સરસ.

  4. manubhai1981 says:

    ગમ્યુઁ….ઘણુઁજ ગમ્યુઁ આ ગેીત !આભાર !

  5. MAHESH DALAL says:

    ખુબ સરસ્

  6. jayesh vara says:

    બોવ સરસ … મજા આવિ ગયે…..

  7. આપની રચના ખરેખર ખુબજ સુંદર છે .
    આપે મુકેલું ચિત્ર પણ કાવ્ય જેટલુજ સુંદર છે
    આભાર

  8. ખૂબ જ મજાનું ગીત…

    પહેલો અંતરો બહુ પ્રભાવક ન લાગ્યો. છાતીમાં ધરબાયેલા ખીલી જેવો ઘસાઈ ગયેલો પ્રયોગ અનિલભાઈ જેવા સિદ્ધહસ્ત કવિની કલમે વ્યથિત કરી ગયો…

    પણ બીજો અંતરો અદભુત થયો છે. દુર્વાસાનો ક્રોધ પણ ખોવાઈ જાય એવા જંગલની કલ્પના જ રોમાંચ જન્માવે છે. પોતાના શરીરને ચામડીની બેગ કહેવાની વાત પણ એવી જ અદભુત… આ છે ખરા અનિલ જોશી!

  9. vimala says:

    માનવીના બોલ ક્યાંય સંભળાતા નૈ
    બધે પંખીના કલરવના ધોધ
    દુર્વાસા મુનિ બધે પૂછતા ફરે
    તમે જોયો છે ક્યાંય મારો ક્રોધ ?

    બહુ સુંદર.

Leave a Reply

Your email address will not be published. Required fields are marked *