ગઝલ – હરિશ્વંદ્ર જોશી

(આકાશની પ્રતિક્ષા…. સંચાર નથી શું પાંખમાં ?)
Photo byNikonsnapper 

——————-

અટકી જવાય સાંજમાં તો શું કરી શકો ?
બેસે ન સ્વપન આંખમાં તો  શું કરી શકો ?

મન શોધતું ફરે છે ઉદાસીના કારણો
પોતે જ હોય વાંકમાં તો શું કરી શકો ?

લાગે  કે એકઠું કરી લીધું બધું અને
નીકળે ન કાંઇ ફાંટમાં તો શું કરી શકો ?

આકાશ તો  યુગોથી પ્રતિક્ષા કરે છે
સંચાર હો ન પાંખમાં તો શું કરી શકો ?

લંબાય રાત અંધની આંખો સમી સતત
અટવાય સૂર્ય ઝાંખમાં તો શું કરી શકો ?

પીળાશ પી રહી છે સફેદીને પત્રની
શબ્દો જ હોય  ટાંકમાં તો શું કરી શકો ?

ચાવી દઇને વાગતાં વાજાં હરીશ સૌ
સરકે ન જીવ ખાંચમાં તો શું કરી શકો ?

12 replies on “ગઝલ – હરિશ્વંદ્ર જોશી”

  1. pragnaju says:

    સુંદર ગઝલ
    આ શેર ગમ્યો
    લંબાય રાત અંધની આંખો સમી સતત
    અટવાય સૂર્ય ઝાંખમાં તો શું કરી શકો ?
    યાદ આવી
    કડવી હકીકતને તમારા તીવ્ર શબ્દોનાં કપડાં
    પહેરાવીને પણ નગ્ન તો તમે જ કરી શકો!

  2. Pinki says:

    અટકી જવાય સાંજમાં તો શું કરી શકો ?
    બેસે ન સ્વપન આંખમાં તો શું કરી શકો ?

    આકાશ તો યુગોથી પ્રતિક્ષા કરે છે
    સંચાર હો ન પાંખમાં તો શું કરી શકો ?

    સુંદર ગઝલ … સુંદર મજબૂરીઓ….!!
    સુંદર

  3. મન શોધતું ફરે છે ઉદાસીના કારણો
    પોતે જ હોય વાંકમાં તો શું કરી શકો ?

    લાગે કે એકઠું કરી લીધું બધું અને
    નીકળે ન કાંઇ ફાંટમાં તો શું કરી શકો ?

    -સુંદર અશઆર… આભાર…

  4. વાહ સરસ ગઝલ વાચવા મળી…….

  5. mukesh parikh says:

    મન શોધતું ફરે છે ઉદાસીના કારણો
    પોતે જ હોય વાંકમાં તો શું કરી શકો ?
    આકાશ તો યુગોથી પ્રતિક્ષા કરે છે
    સંચાર હો ન પાંખમાં તો શું કરી શકો ?

    એવું લાગે કે મારા િવચારો ને વાચા મળેી ગઇ.

    મુકેશ

  6. Snhea says:

    બહુ સુન્દર કવિતા છે.
    અને એમા પણ,
    મન શોધતું ફરે છે ઉદાસીના કારણો
    પોતે જ હોય વાંકમાં તો શું કરી શકો ?
    ઉપ્રોક્ત બે પન્ક્તિ તો ખુબજ સુન્દર છે.

  7. tamash says:

    નથિ ખબર કે જે લખુ એ સાચુ જ હોય પરન્તુ લખેલ આપનુ દિલ દુભાયેલ હોય પોતાનાથિ જ એવુ લાગ્યુ, દુઃખ બધા નુ એક જેવુ જ કેમ લાગ્યુ કવિતા વાચિને,હ્દય ભારે કરિ દિધુ આપે, સુન્દર નહિ કહુ પરન્તુ હ્દય દ્રાવક કહિ બિરદાવુ આપને તો ગમશે ને આપને!!!!!

  8. Prashant Jadav says:

    મન શોધતું ફરે છે ઉદાસીના કારણો
    પોતે જ હોય વાંકમાં તો શું કરી શકો ?
    WAAH…..!!!!!!

  9. Mehmood says:

    મન શોધતું ફરે છે ઉદાસીના કારણો
    પોતે જ હોય વાંકમાં તો શું કરી શકો ?
    ફાંટ,ટાંક,ખાંચ વગેરે શબ્દો બહુ સરસ રીતે વાપર્યા છે.

  10. vimal agravat says:

    હરીશસરની સુંદર ગઝલ જો તેમના બુલંદ કંઠમાં સાંભળવા મળે તો ઉત્તમ.તેઓ ઉત્તમ સ્વરકાર અને ગાયક છે જેની આ સાઇટના સંચાલકને ખ્યાલ જ હશે.તેમના કંઠે ગવાયેલ રચના મૂકવા નમ્ર વિનંતિ.

  11. હરીશસરની સુંદર રચના માણવા મળી પણ તેમના બુલંદ કંઠે રચનાઓ સાંભળવાનો અલગ જ લહાવો છે. હરિશ્ચંદ્ર જોશીના કંઠે ગવાયેલ રચના અહીં મૂકવા નમ્ર વિનંતિ છે.

  12. dipti says:

    કવિએ જાણે આપણા મનને વાંચી લીધુ લાગે છે…

    આકાશ તો યુગોથી પ્રતિક્ષા કરે છે
    સંચાર હો ન પાંખમાં તો શું કરી શકો ?

Leave a Reply

Your email address will not be published. Required fields are marked *