~ – કાજલ ઓઝા-વૈદ્ય

મેં સૂરજમુખી માગવા માટે
ડરતાં ડરતાં લંબાવેલા હાથમાં
તેં
આખેઆખો સૂરજ મૂકી દીધો છે !

વેંત જેટલી જગ્યા માગી હતે – મેં,
તારી અંદર – ક્યાંક – કોઈક ખૂણે
અને તેં –
મને ઘસડીને, તારી રગરગમાં વહેતી કરી નાખી છે.

પાંખ ફફડાવવા જેટલા અવકાશની માગણીના બદલામાં
ગણતરીના શ્વાસ ઉછીના માગ્યા હતા મેં તો
ને તું ?
બ્ર્હ્માંડ લઇ આવ્યો, તારા બાહુપાશમાં !

બે સ્મિત – ચાર ખુશીની પળો ચાહી હતી મેં તો –
માત્ર
ને તેં ?
‘સુખ’નો ઢગલો કરી દીધો – મારા ખોળામાં,
તું ક્યાં હતો ?
તું કેમ મને વહેલો ન મળ્યો ?

– કાજલ ઓઝા-વૈદ્ય

18 replies on “~ – કાજલ ઓઝા-વૈદ્ય”

  1. SHODHATI RAHI TANE JANMO JANAM NI TARAS THI
    TU MANE MALYO ZAZAVANA NIR SAMO
    TARAS BUZAVANA GHANA PRAYATN KARYA
    CHHATA E MRUGLA NA JEVI TARASA MARI
    ADHURI NE ADHURI TARI ……………

  2. આખરે પરમેશ્વરને દીઠો જ !વાહ કાજલબહેના,વાહ !
    તમને વાઁચવાઁ ને સાઁભળવાઁ એક અનેરો લહાવો છે.
    સ્ત્રેીત્વને તમે સુઁદર શણગાર્યુઁ છે.અભિનઁદન !સુખી રહો !
    રેખાબહેના સાથે સહમત છુઁ.અમે ખોબો માગતાઁ રહીશુઁ..
    તમે દરિયો આપતાઁ રહેજો !શુભકામનાઓનો ઢગલો !

  3. ” વહેલો ન મળ્યો? “નો વસવસો …એક સુક્ષ્મ વ્યથા/ વેદના જેનું એક સુભગ પરિણામ તે આ કૃતિ…
    અંતત:સિક્કાની બીજી બાજુ જેવું નહિ? કુદરતની વ્યવસ્થા કઈ ચીજ કેમ? ક્યારે?કેવીરીતે? કયા સ્વરૂપે/માર્ગે
    આપે/મોકલે છે ..સમજવું અકળ !!!-લા’કાંત / ૧૨-૬-૧૨

  4. હા ભાગ્યશાળી ને હકારાત્મક વિચારોવાળા સારા માણસને સારા માણસ જ મળે છે..પણ પાગલ પ્રેમી ….ચેરી ઓન ટોપ…મે તો ખોબો માંગ્યો ને દરિયો દૈ દીધો…સાવરિયો રે મારો સાવરિયો…!!!

  5. અપેક્ષા કરતા વિશેષ પ્રાપ્ત થઈ જાય એના કરતા રુડું બીજુ શૂં???????

  6. ઇશ્વર પ્રત્યે ક્રુતગ્યતા તથા આભાર વ્યક્ત કરતુ સુન્દર ગીત ..ક્રુતિ બદલ ખુબ ખુબ અભિનન્દન ..

  7. કાજલ બહેનનું ગદ્ય વાંચતા તેમાં કવ્યાત્મતાના સુર અનુભવાતા હોય છે.આજે ભલે અછાંદસ કાવ્ય હોય પણ એમાંથી પદ્ય કવિતના હકારત્મ્ક સૂર કાનમાં ગુંજતા થયા.

  8. ક્યાક અતિશયોક્તિ હશે ,પણ અસત્ય નહિ હોય , માગ્યુ ખોબાભર અને આપ્યુ આસમાન ! અતિ સુન્દર !

  9. ….. …..તું ક્યાં હતો ? તું કેમ મને વહેલો ન મળ્યો ?

    જો વહેલો મળ્યો હોત તો આવી ભાવના થાત ?
    આવી ઊર્મીઓ ઉઠત ?
    આવી પન્ક્તિઓ સ્ફુરત ?

    બસ એટલા માટે જ તે આપને વહેલો ન મળ્યો અને અમોને આ સરસ રચના મળી.

    સરસ અને દિલને સ્પર્ષી જનારી તેમજ અરપાર ઉતરી હ્રદયનાં તારોને ઝંક્રુત કરી દેનારી રચના

    ભાઈ મઝા પડી ગઈઈઈઈઇઇઇઇઇઇઇ

Leave a Reply to mahesh rana vadodara Cancel reply

Your email address will not be published. Required fields are marked *