પક્ષી માફક હું ટહૂક્યો તો ..... Happy Family, Sequoia National Park (May 2012)
જે તરફ આપણી આસ્થા જાય છે,
આ ચરણ એથી કાં ઉલટાં જાય છે ?
પક્ષી માફક હું ટહૂક્યો તો કેવું થયું !
એકમાં વૃક્ષ સો ખૂલતાં જાય છે !
જેમ મધ્યાહ્ન પેઠે તપે છે તરસ.
એમ પાણી યે ટૂંકાં થતાં જાય છે.
ડાળ રહેશે તો ફૂલો નવાં બેસશે :
એમ કહીને સ્વપ્ન તૂટતાં જાય છે.
તારી કાયા જ મારી ઊગમણી દિશા,
મારાં નેત્રો ય સૂરજ થતાં જાય છે.
તેં જ પૂર્યો હતો ટીપડામાં તને,
માર્ગને તો જ્યાં જાવું’તું ત્યાં જાય છે.
- રમેશ પારેખ
Share what you loved...
Email
વાહ… સરસ ગઝલ… બધા જ શેર ગમી ગયા…
જે તરફ આપણી આસ્થા જાય છે,
આ ચરણ એથી કાં ઉલટાં જાય છે ?
વાહ…ર.પા….વાહ
ખુબસરસ…ર્
બહુ જ સરસ ! આભાર !
પક્ષી માફક હું ટહૂક્યો તો કેવું થયું !
એકમાં વૃક્ષ સો ખૂલતાં જાય છે !….આફરીન
વન્ડરફુલ મજા પડી ગઇ
મને કવિતા લખવી ગમે અહિ મોકલવી હોય તો શુ કરવુ પડે.