સીમ ભરીને ટહુકે રે અવસાદ સાંભળું – રાજેશ વ્યાસ ‘મિસ્કીન’

વરસે નવલખ ધારે રે વરસાદ સાંભળું,
ધસમસતી ઘુમ્મરીઓ ખાતી યાદ સાંભળું.

અન્દર બાહર સરખો રે ઉન્માદ સાંભળું,
જળરૂપે હા એ જ પરિચિત સાદ સાંભળું.

અમે રહી ગયા કોરા રે ફરિયાદ સાંભળું,
સપનાંનો જન્મો જૂનો અપવાદ સાંભળું.

એકલતાના આંગણનો સંવાદ સાંભળું,
થતો કડકાબન્ધ એ અનુવાદ સાંભળું.

સીમ ભરીને ટહુકે રે અવસાદ સાંભળું,
હતો તું થકી કદીક એ આહલાદ સાંભળું.

-રાજેશ વ્યાસ ‘મિસ્કીન’

6 replies on “સીમ ભરીને ટહુકે રે અવસાદ સાંભળું – રાજેશ વ્યાસ ‘મિસ્કીન’”

  1. Maheshchandra Naik says:

    વતનનો વરસાદી મોહોલ સાંભરી આવ્યો, સરસ રચના…………….

  2. mayur says:

    Vah kya baat hai
    ekltana aangan no sanvad sambhlu…..
    Thato kadkabandh a avaj sambhlu….

  3. Arpana says:

    અન્દર બાહર સરખો એ ઉન્માદ સાંભળુ
    જળ રુપે હા એજ પરિચીત સાદ સાંભળું

    રાજેશ ભાઈએ જે કઈં સાંભળ્યુ છે એની સરવાણી
    શ્રોતાઓ સુધી પણ સુચારુ રુપે વહાવી શકે છે.

  4. ASHOK PANDYA says:

    કવિતાની સરળતા, સહજતા,સચ્ચાઈ અને મિજાજ માટે કહેવું પડૅ રાજેશ મતલબ રાજેશ..ભીના ભીના કરિ દીધા..

  5. rachana says:

    એકલતાના આંગણનો સંવાદ સાંભળું,
    થતો કડકાબન્ધ એ અનુવાદ સાંભળું.ખુબ સુન્દર રચના

  6. પડ્યો વરસાદ ઘરમાં સાંભળું..જળરૂપે હા એ જ પરિચિત સાદ સાંભળું…ખુબ સુન્દર રચના !!

Leave a Reply

Your email address will not be published. Required fields are marked *