તારા નામનો દીવો ધરું – ગુંજન ગાંધી

એકદમ અંધારપટની વાત માંડીને કરું
ને પછી ધીરેથી તારા નામનો દીવો ધરું.

આંગળી લઈ જાય ત્યાં ચાલ્યા જવું, પકડી કલમ
જે કર્યું ખોટું બધું કંઈ એ ય થઈ જાશે ખરું.

કેટલા ખાબોચિયામાં દરવખત ડુબ્યા પછી,
એમ કે પહોંચી જવાશે, લાવ ને દરિયો તરું.

સ્પર્શની વહેતી નદીને રોકવા મથતો રહુ ,
ટેરવે તોફાન ફંફોસી અને પાછો ફરું.

રક્તથી ચાલે હૃદય પણ એટલું પૂરતું નથી,
લાવ ધમનીમાં હવે ચિક્કાર હું શાહી ભરું.

– ગુંજન ગાંધી

(આભાર – ગુંજારવ)

15 replies on “તારા નામનો દીવો ધરું – ગુંજન ગાંધી”

  1. ઉત્તમ ગઝલની ભરપૂર શક્યતાઓ ધરાવતી રચના…

    છેલ્લા બે શેર સ્પર્શી ગયા…

  2. Indira Adhia says:

    Gunjanbhai, તમારા શબ્દો,રચના,ભાવ હ્ર્દય સ્પર્શિ ગયા.થાય છે કે બધુ જ મગજમા તપકાવી લઊ?

  3. Nilesh Desai says:

    ખુબ સુંદર રચના
    ઊંડા અંધારામાં ફક્ત એક તારું નામ કાફી છે
    સંસાર ખાબોચિયામાં ખુદને ડૂબાડી ને પ્રણય નો દરિયો તરી જવાની વાત છે
    ને છેલ્લે હદય માં શાહી કેમ ભરવાની ?
    કારણ કે
    ” મેરે કલમ પે જમાને કી ગર્દ એસી થી
    કે અપને બારે મેં ન લીખ શકા યારો

  4. Maheshchandra Naik says:

    સરસ શબ્દોગુંથણી…..

  5. mahesh dalal says:

    વાહ વાહ ઉર્મિસભર ગીત સરસ્

  6. શ્રી ગુંજન ગાંધીની ખુબ સુન્દર રચના એમાય જ્યારે ધમનીમાં ચિક્કાર શાહી ભરીને ધબકતા હ્રદયથી લખ્યું કે..
    સ્પર્શની વહેતી નદીને રોકવા મથતો રહુ ,
    ટેરવે તોફાન ફંફોસી અને પાછો ફરું…

    આંગળી લઈ જાય ત્યાં ચાલ્યા જવું, પકડી કલમ
    જે કર્યું ખોટું બધું કંઈ એ ય થઈ જાશે ખરું…

    કમાલની શબ્દગુંથણી ભાઈ..!!!

  7. k says:

    કેટલા ખાબોચિયામાં દરવખત ડુબ્યા પછી,
    એમ કે પહોંચી જવાશે, લાવ ને દરિયો તરું.

    વાહ….શુ હીંમત !!!!!!!!!!!!

  8. manvantpatel says:

    અશક્ય વસ્તુને શક્ય બનાવવાની ઝઁખના !
    ભલે ભાઇ ભલે !

  9. sudhir patel says:

    સુંદર ગઝલ!
    સુધીર પટેલ.

  10. Dharmesh says:

    Hey Gunjan,
    This is the ghazal which made me to remember krushna Dave….
    Very beautiful…
    would love to know something more about you…

  11. Chetan Desai says:

    ખુબજ સુન્દર ઉક્તિ…

    કહેવુ પડે કેઃ
    તમારા હ્રદયની શાહી જ્યારે કાગળ પર છલકાય છૅ,
    ત્યારે ત્યારે અન્ધારપટ અજવાળતા દીવા થાય છૅ.

  12. Harshad Kothari says:

    મનની ઉન્ડાનની વાત આટલા સહજતાથી કહેવી એટલુ સહેલુ નથી….બહુજ સુન્દર્…

  13. mahesh rana vadodara says:

    gazal gami anand avyo

  14. જયશ્રી,

    મારી ગઝલ પોસ્ટ કરવા માટે આભાર…અને સહુ મીત્રોનો આભાર…

    – ગુંજન ગાંધી

Leave a Reply

Your email address will not be published. Required fields are marked *