ગઝલ – ગૌરાંગ ઠાકર

67981_wallpaper280 

સાંજ ડૂબી એકલી તારા વગર
એટલે છે આંખ મારી તરબતર

શ્વાસ કાંટાળો ફરે છે દેહમાં
થાય અટકાવી દઉં એની સફર

જો પ્રતિક્ષા બારણે ટોળે વળ
આવશે તું એમ આવી છે ખબર

જિંદગીને વેચવા દુનિયા ફર્યા 
ચોતરફ બસ લાગણીની કરકસર

લઇ ઉદાસી કેટલું ચાલ્યા કરે
એકલો માણસ અને ભરચક નગર

9 replies on “ગઝલ – ગૌરાંગ ઠાકર”

  1. સાંજ ડૂબી એકલી તારા વગર
    એટલે છે આંખ મારી તરબતર

    સુંદર રજુઆત..

  2. સમી સાંજ ની ઉદાસી નૉ રંગ ગઝલ ની સાથૅ આંખૉ નૅ પણ
    તરબતર કરી ગયૉ કવિ… વાહ !

  3. શ્વાસ કાંટાળો ફરે છે દેહમાં
    થાય અટકાવી દઉં એની સફર……

    આ ગઝલ વાંચતાં રશીદ મીર સાહેબના શબ્દો યાદ આવે છે….

    ”મિજાજ એ ગઝલનો જન્મજાત અવિભજ્ય ગુનવિશેષ છે, એજ એની પ્રકૃતિ છે.”

    એક પંક્તિ લખવાનું મન થાય છે

    ચરણ ઉત્સાહના કેમ કરી ચાલે,
    ઉદાસીથી જો હોય ભર્યું નગર!

  4. સાંજ ડૂબી એકલી તારા વગર
    એટલે છે આંખ મારી તરબતર

    -ખૂબ સુંદર અભિવ્યક્તિ…

    લઇ ઉદાસી કેટલું ચાલ્યા કરે
    એકલો માણસ અને ભરચક નગર
    -આ શેર પણ લાજવાબ થયો છે… સરળ ભાષામાં સહજ ગઝલ…

Leave a Reply

Your email address will not be published. Required fields are marked *