એટલા દૂર ન જાઓ – ઉશનસ

 vines

વિનવું : એટલા દૂર ન જાઓ
કે પછી ક્યારેય યાદ ન આવો…

માનું : અવિરત મળવું અઘરું
માગ્યું કોને મળતું સઘળું?
કગરું, એટલા ક્રૂર ન થાઓ
કે પછી ક્યારેય યાદ ન આવો

જાણ્યું : નવરું એવું ન કોઇ
કેવળ મને જ રહે જે જોઇ;
તો ય લ્યો, આમ નિષ્ઠુર ન થાઓ
કે પછી ક્યારેય યાદ ન આવો

રાહ જોઇ જોઇ ખોઇ આખ્યું
શમણું એક તમ સાચવી રાખ્યું
એટલું એ હરી નૂર ન જાઓ
કે પછી ક્યારેય યાદ ન આવો

આ વેલ તો મેં આંસુથી રોઇ
પણ ફળની આશા ન કોઇ
પણ સમૂળા નિર્મૂળ ના થાઓ
કે પછી ક્યારેય યાદ ના આવો.

 

2 replies on “એટલા દૂર ન જાઓ – ઉશનસ”

  1. કઈક નિરાળુ જ!!

    રાહ જોઇ જોઇ ખોઇ આખ્યું
    જાણ્યું : નવરું એવું ન કોઇ
    કેવળ મને જ રહે જે જોઇ;
    તો ય લ્યો, આમ નિષ્ઠુર ન થાઓ
    કે પછી ક્યારેય યાદ ન આવો….

Leave a Reply to dipti Cancel reply

Your email address will not be published. Required fields are marked *