મન થઈ જાય છે – ભરત વિંઝુડા

ઝાંઝરીની જેમ ઝણઝણવાનું મન થઇ જાય છે,
પગની સાથે ગીત ગણગણવાનું મન થઇ જાય છે.

કંઇક નદીઓને સમંદરમાં વહેતી જોઇને,
આભમાં વાદળને ઝરમરવાનું મન થઇ જાય છે.

કોઇ મારી પાસે આવીને પૂછે કે કેમ છો ?
છું જ નહીં કહીને અવગણવાનું મન થઇ જાય છે.

આપણે સાથે નથી એવો સમય વિતાવવા,
વૃક્ષનાં પર્ણો બધાં ગણવાનું મન થઇ જાય છે,

જે જગ્યાએ હોઇએ હું ને તમે બે સાથમાં,
ચારે બાજુએ ભીંતો ચણવાનું મન થઇ જાય છે.

-ભરત વિંઝુડા

19 replies on “મન થઈ જાય છે – ભરત વિંઝુડા”

  1. જે જગ્યાએ હોઇએ હું ને તમે બે સાથમાં,
    ચારે બાજુએ ભીંતો ચણવાનું મન થઇ જાય છે…

    તારી ને મારી જ ચર્ચા આપણી વચ્ચે હતી,
    તોય એમાં આખી દુનિયા આપણી વચ્ચે હતી!

    આપણે એકાંતમાં ક્યારેય ભેગા ક્યાં થયાં ?
    તોય જોને કેવી અફવા આપણી વચ્ચે હતી!

  2. જે જગ્યાએ હોઇએ હું ને તમે બે સાથમાં,
    ચારે બાજુએ ભીંતો ચણવાનું મન થઇ જાય છે.
    મજા આવી ગઇ!!!!! અતિ સુંદર.

  3. “ઝાંઝરીની જેમ ઝણઝણવાનું મન થઇ જાય છે”,
    ભીતર જે હોય તે બહ્યમાં છલકે!
    મનના વાદળ જળનો ભાર કેટલો વેંઢારે?
    નિસર્ગની નિશ્રામાં દીવાલો શાં માટે?

    બાકી તો,જેવી જેની ચાહ ! જેવો મૂળ મૂડ-માહોલ !
    એ તો અંગત વાત !
    -લા’કાન્ત ‘કંઇક’ / ૨૨-૮-૧૧

  4. વાહ વાહ વાહ!!
    કોઇ મારી પાસે આવીને પૂછે કે કેમ છો ?
    છું જ નહીં કહીને અવગણવાનું મન થઇ જાય છે….

  5. કઈ પન્ક્તિઓ select કરુ ને કઈ નહી??
    ખુબ અદભુત રચના..
    દિલના તાર રણજણાવી ગઈ

  6. જયશ્રીબેન જય શ્રીકૃષ્ણ,

    મન થઈ જાય છે – ભરત વિંઝુડા ગીત ખુબ જ ગમ્યું.
    કોઇ મારી પાસે આવીને પૂછે કે કેમ છો ?
    છું જ નહીં કહીને અવગણવાનું મન થઇ જાય છે.
    વિચારોમાં કેવા ઓતપ્રોત થયેલા છે તે ભાવો ખુબજ આબેહુબ રજુ કર્યા છે. ખૂબ સુંદર અતિ સુંદર.
    ચન્દ્રકાન્ત લોઢવિયા.

  7. મેરી મરજી, મૈ ચાહુ જો કરુ, મેરી મરજી.
    મનને ગમતુ બધુ કરવાનુ મન થઇ જાય છે.
    બહુ સરસ રચના છે.
    હમ તુમ એક કમરે મે બંધ હો ઓર ચાબી ખો જાયે.

  8. મનને ગમતું બધુ કરવાનુ મન થઈ જાય છે.
    આપણે સાથે નથી એવો સમય વિતાવવા,
    વૃક્ષનાં પર્ણો બધાં ગણવાનું મન થઇ જાય છે,

    જે જગ્યાએ હોઇએ હું ને તમે બે સાથમાં,
    ચારે બાજુએ ભીંતો ચણવાનું મન થઇ જાય છે.

    વાહ ! વાહ ! કરવાનુ મન થઈ જાય છે.

  9. કોઇ મારી પાસે આવીને પૂછે કે કેમ છો ?
    છું જ નહીં કહીને અવગણવાનું મન થઇ જાય છે.

  10. બેદર્દી બાલમા તુજ્કો મેરા મન યાદ કરતા હૈ..બરસતા હૈ જો આખોં સે વો સાવન યાદ કરતા હૈ…છુઆ થા તુને જો દામન વો દામન યાદ કરતા હૈ….આરઝુ નુ મારુ મનપસંદ ગીત…તે આજે યાદ આવી ગયુ..!!જે જગ્યાએ હોઇએ હું ને તમે બે સાથમાં,ચારે બાજુએ ભીંતો ચણવાનું મન થઇ જાય છે…..આપણે સાથે નથી એવો સમય વિતાવવા,વૃક્ષનાં પર્ણો બધાં ગણવાનું મન થઇ જાય છે…!!!

  11. અતિ સુંદર…
    જે જગ્યાએ હોઈએ હું ને તમે બે સાથમાં,
    ચારે બાજુએ ભીંતો ચણવાનું મન થઈ જાયછે…
    અદભૂત રચના…

  12. આપણે સાથે નથી એવો સમય વિતાવવા,
    વૃક્ષનાં પર્ણો બધાં ગણવાનું મન થઇ જાય છે,

    જે જગ્યાએ હોઇએ હું ને તમે બે સાથમાં,
    ચારે બાજુએ ભીંતો ચણવાનું મન થઇ જાય છે.

    – ઉત્તમ !

Leave a Reply to chandrakant Lodhavia Cancel reply

Your email address will not be published. Required fields are marked *