સાદ પાડું છું – રમેશ પારેખ

કંઇ કેટલાય સાદો નો ખડકલો...  Grand Canyon, AZ
કંઇ કેટલાય સાદો નો ખડકલો... Grand Canyon, AZ

****

સ્વર : બિહાગ જોશી
સ્વરાંકન : હરિશ્વંદ્ર જોશી
આલબમ : સંગત

.

સાદ પાડું છું ક્યારનો હું કોને? હું કોને?
જે નથી એને પૂછું છું : છો ને? તું છો ને? તું છો ને?

સદીઓની સદીઓથી મેં એને પાડેલા સાદનો ખડકલો આ પર્વત
સામે વહેરાઉં હું, તેનાં સાહેદ : એક હું, બીજી કાળની આ કરવત

વહેરાતાં ઝીણી ઝીણી વહેર પડી એનું નામ રણ છે, ને રેતી છે, હોં ને !

હું છું ત્યાં સુધી તો સાદ છે, પરંતુ હું નહીં હોઉં ત્યારે શું થાશે?
પર્વત વળોટી એ આ બાજુ આવશે, તો આવીને કયું ગીત ગાશે?

હું નહીં હોઉં ત્યારે કોણ એને કહેશે કે, આ મારું ગીત મને દ્યો ને !

– રમેશ પારેખ (કુમાર – ઓક્ટોબર ૧૯૯૩)

4 replies on “સાદ પાડું છું – રમેશ પારેખ”

  1. સદીઓની સદીઓથી મેં એને પાડેલા સાદનો ખડકલો આ પર્વત
    સામે વહેરાઉં હું, તેનાં સાહેદ : એક હું, બીજી કાળની આ કરવત

    વહેરાતાં ઝીણી ઝીણી વહેર પડી એનું નામ રણ છે, ને રેતી છે, હોં ને !
    વાહ ખુબ સુન્દર…જીવન જો કરશે આવા સવાલો તો જવાબો મા આ ગીત હશે!!!

  2. પારેખને પારખવા ને પામવા અઘરી વાત છે.રમેશ રમે ગીતોમાં ને ભમે પર્વતો.નદીઓ ને રણોમાં.

    સાદ પાડું છું ક્યારનો હું કોને? હું કોને?
    જે નથી એને પૂછું છું : છો ને? તું છો ને? તું છો ને?”
    મઝા આવી ગઇ.
    ક્લિક કર્યા રમેશ પારેખને પ્રગટ થયા ચન્દ્રકાન્ત,ઃસ્વજન થઇ આંગણે આવો” આમ કેમ?

Leave a Reply

Your email address will not be published. Required fields are marked *