અમારી પાસે – મરીઝ

જે ન લૂંટાય તે દોલત છે અમારી પાસે,
બસ ફક્ત એક મોહબ્બત છે અમારી પાસે.

દર્દ જે દીધું તમે પાછું તમે લઈ શકશો,
એ હજી સાવ સલામત છે અમારી પાસે.

આપ ચિંતા ન કરો, આપ ન બદનામ થશો,
કે બધા ભેદ અનામત છે અમારી પાસે.

કોઈ સમજી ન શકે એમ બધું કહી દઈએ,
કંઈક એવીય કરામત છે અમારી પાસે.

પ્રેમ વહેવાર નથી એમાં દલીલો ન કરો,
કે દલીલિ તો અકારત છે અમારી પાસે.

રાહ ક્યાં જોઈએ આગામી કયામતની ‘મરીઝ’?
એક અમારીય કયામત છે અમારી પાસે.

– મરીઝ

9 replies on “અમારી પાસે – મરીઝ”

  1. manav says:

    જે ન લૂંટાય તે દોલત છે અમારી પાસે,
    બસ ફક્ત એક મોહબ્બત છે અમારી પાસે.

    કાબીલ એ દાદ

  2. rajendra says:

    તમને ખાસ જણાવવાનુ કે સ્વ રચિત કાવ્ય કઇ રિતે મોકલવુ તેનો જવાબ આપશો.
    મારી અને મારા મિત્રોની રચના મોકલવા માગુ

  3. dipti says:

    જે ન લૂંટાય તે દોલત છે અમારી પાસે,
    બસ ફક્ત એક મોહબ્બત છે અમારી પાસે.

    વાહ્!!!!!

  4. Anila Amin says:

    દિલની દોલત વહેચિ શકાય પણ દિલની દોલત લૂટાવી નશકાય કોઇ દિવસ

    એતો અણમોલ રત્નની જેમસાચવવાની હોય કવિની જેમ, ખૂબજ સરસ ગઝલ

  5. Mehmood says:

    જે ન લૂંટાય તે દોલત છે અમારી પાસે,
    બસ ફક્ત એક મોહબ્બત છે અમારી પાસે.

    મરીઝની ઓછી જાણીતી પરંતુ
    ખુબ સુંદર ગઝલ

  6. Vijay Patel says:

    જે ન લૂંટાય તે દોલત છે અમારી પાસે,
    બસ ફક્ત એક મોહબ્બત છે અમારી પાસે.

    મરીઝની ઓછી જાણીતી પરંતુ
    ખુબ સુંદર ગઝલ
    આફ્લાતુન માન ગયે હમ

  7. Rutvik says:

    અદભુત્ .

  8. ravi naidu says:

    સુ થતુ હસે એ પથ્થરો નુ ત્યારે,
    સ્પર્શ દઈ વહિ જતા હસે ઝરના જ્યારે

Leave a Reply

Your email address will not be published. Required fields are marked *