પ્હાડથી તો ક્યાં ઝુકાતું હોય છે? – નીતિન વડગામા

કવિ શ્રી નીતિન વડગામાને એમના જન્મદિવસે ખૂબ ખૂબ શુભેચ્છાઓ સાથે માણીએ એમની આ મઝાની ગઝલ..!

(Dream Destination for May 2011 – Half Dome, Yosemite National Park)

*****

પંડને પણ ક્યાં પમાતું હોય છે?
તોય અળગું ક્યાં થવાતું હોય છે?

હાથ જ્યાં લંબાય ત્યાં બીજી ક્ષણે
રિક્તપાણિ થૈ જવાતું હોય છે!

પગ ભલેને હોય પોલાદી છતાં
એક ડગલું ક્યાં ચલાતું હોય છે?

ઝાડ હો તો ડાળ પણ નીચી નમે
પ્હાડથી તો ક્યાં ઝુકાતું હોય છે?

હાથમાં પાસા નથી તો શું થયું?
જૂગટું મનમાં રમાતું હોય છે!

– નીતિન વડગામા

18 replies on “પ્હાડથી તો ક્યાં ઝુકાતું હોય છે? – નીતિન વડગામા”

  1. સરસ ગઝલ.

    રિક્તપાણિ- આ નવો સમાસ ગમ્યો.

  2. nilam doshi says:

    so nice… all the best wishes to nitibhai…

  3. Trupti says:

    કવિશ્રેીને જન્મદિવસની ખૂબ ખૂબ શુભેચ્છાઓ….
    “હાથમાં પાસા નથી તો શું થયું?
    જૂગટું મનમાં રમાતું હોય છે!”
    વાહ!!!
    ‘રિક્તપાણી’ ના બદલે ‘રિક્તપાણિ’ હોવું જોઇએ, પણ, પ્રથમવારજ આ સમાસપ્રયોગ વાંચ્યો-ગમ્યો પણ ઘણો.
    આભાર જયશ્રેીબેન અને કવિશ્રેી!

  4. Jayshree says:

    આભાર પંચમભાઈ અને તૃપ્તિબેન… 
    જોડણીભૂલ સુધારી લીધી છે..!

  5. કવિમિત્ર શ્રી નીતિનભાઈને જન્મદિન નિમિત્તે અઢળક શુભેચ્છાઓ સાથે જાનદાર ગઝલ બદલ અભિનંદન.
    એમાંય,
    ઝાડ હો તો ડાળ પણ નીચી નમે
    પ્હાડથી તો ક્યાં ઝુકાતું હોય છે?
    આ શેર તો જાન-એ-ગઝલ કહી શકાય એવો થયો છે.

  6. gungun says:

    ખુબ જ સરસ રચના.

  7. Narendra Shah says:

    મજા આવી.

  8. Mukesh Pandya says:

    Best wishes to Nitinbhai.
    We Wish he gives us many such good GAZALS in comming years.

    “Jugtu man ma ramatu hoi chhe Ne Gazal Dil ma rachati hoi chhe.”
    Kem kharune Nitinbhai??

  9. સુંદર ગઝલ… આખરી શેર શિરમોર!!!

  10. Ullas Oza says:

    સુંદર ગઝલ.
    નીતિનભાઈને જન્મદિન મુબારક.

  11. અભીનંદન.
    જન્મદીવસ ની ખુબ ખુબ શુભેચ્છાઓ સાથે,
    મનમા ને મનમાં ઘણુ બધુ ચાલતુ અને રમાતુ હોય છે.

  12. bakul patel says:

    બહુ સરસ રચના ચ્હે અભિનન્દન્

  13. dipti says:

    કવિશ્રેીને જન્મદિવસની ખૂબ ખૂબ શુભેચ્છાઓ….

    હાથમાં પાસા નથી તો શું થયું?
    જૂગટું મનમાં રમાતું હોય છે!…

    આ શેર જાનદાર છે.

  14. Anila Amin says:

    ખૂબજ સરસ ગઝલ પ્રાસ રચના તેમજ કલ્પના બહુજ સરસ

    જન્મદિવસે ખૂબ ખૂબ અભિનન્દન

  15. Maheshchandra Naik says:

    હાથમા પાસા નથી તો શું થયું?
    જૂગટુ મનમાં રમાતુ હોય છે!
    મનની અંતરગ વાતો તો કવિને જ સૂઝેને??????

  16. Aashruti Zala says:

    મુજ ને આજ ઘણો વસવસો થાય કે,
    જે પલ મારા હાથ મા હતુ એને મે જાણ્યુ નહી,
    અને જે નથી એને વિશે વિચારી વિચારી ને મન બહવરુ બને છે,
    હજી પન આ પાગલ મન સમજતુ નથી,
    કે જે હજી પણ મારી પાસે છે…
    એ જીન્દગી ને તો તુ માણી લે !!!

  17. whataflix says:

    ખુબ સરસ રચ્ના છએ નિતિન ભૈ ને અભિનદન

  18. ખુબજ સારિ રચના— —- પન્દ્ને ક્યા પમાતુ હોય છે તોય ક્યા અડગુ થવાતુ હોય છે?

Leave a Reply

Your email address will not be published. Required fields are marked *