તમારી દૂરતા પણ છે.. – જવાહર બક્ષી

river.jpg

તમારી દૂરતા પણ છે નિકટતાના ઇશારા સમ
તમારા તો અબોલા પણ અમારે આવકારા સમ

તમે રુઠ્યા ભલેને હો, સભર છઇએ તમારાથી
તમે સુક્કી નદીના પટ, અમે લીલા કિનારા સમ

નદી થઇને તમે વહેજો, નિકળજો સાવ પાસેથી
તમારામાં તૂટ્યાં કરશું, અમે કાચા કિનારા સમ

અમે તો ઊજળા છઇએ તમારી છત્રછાયામાં
તમે આકાશી અંધારું, અમે ઝીણા ઝગારા સમ

તમારાથી અમે છઇએ, તમારાથી અધિક રહીએ
તમે માનો ન માનો પણ એ સાચું છે તમારા સમ

7 replies on “તમારી દૂરતા પણ છે.. – જવાહર બક્ષી”

  1. તમારી દૂરતા પણ છે નિકટતાના ઇશારા સમ
    फिर किसी ने आज छेड़ा ज़िक्र-ए-मंजिल इस तरह
    दिल के दामन से लिपटने आ गई हैं दूरियाँ……….

  2. તન્મયતા = એકબીજામાં લીન થઈ જવું તે
    ત્વન્મયતા = તારાથી જ હું પરિપૂર્ણ છું એ ભાવ

  3. તમારાથી અમે છઇએ, તમારાથી અધિક રહીએ
    તમે માનો ન માનો પણ એ સાચું છે તમારા સમ
    બહુ જ સરસ રચના

  4. સુંદર ગઝલ…
    મક્તામાં “તમારા સમ” નો ખુબ ચતુરાઈ પુર્વક કરેલો પ્રયોગ.

Leave a Reply to Mehmood Cancel reply

Your email address will not be published. Required fields are marked *