તું ગઝલ તારી રીતે લખ… – મનોજ ખંડેરિયા

એ વિરહને ખણે તો ખણવા દે;
રાતે તારા ગણે તો ગણવા દે.

પ્રશ્ન એનો છે કે પચશે તે,
કાગ મોતી ચણે તો ચણવા દે.

તારી ‘ના’ છો દબાઈ જાતી, એ-
હા મહીં હા, ભણે તો ભણવા દે.

ચાડિયો થઈને પોતે ખેતરનો,
મોલ લીલો લણ તો લણવા દે.

એમ થોડા કબીર થાવાના,
તેઓ ચાદર વણે તો વણવા દે.

મોજથી બેસ બાંકડે છેલ્લે,
એ ભણેશ્રી ભણે તો ભણવા દે.

તું ગઝલ તારી રીતે લખ, તેઓ,
ખુદને ગાલિબ ગણે તો ગણવા દે.

– મનોજ ખંડેરિયા

18 replies on “તું ગઝલ તારી રીતે લખ… – મનોજ ખંડેરિયા”

  1. manav says:

    બહુ જ સરસ ગઝલ

  2. AMIT N. SHAH. says:

    તારી ‘ના’ છો દબાઈ જાતી, એ-
    હા મહીં હા, ભણે તો ભણવા દે.

    khumari sabhar vaat chhe

  3. dipal says:

    હાહાહાહાહા
    મસ્સ્ત્….

  4. Niraj Solanki says:

    સરસ ગઝલ..

  5. Rajesh Mahedu says:

    મનોજભાઈની ટુંકી (નાની બહેરની) અને ચોટદાર ગઝલ વાંચી આનંદ થયો.
    અભાર.

  6. jaymin says:

    ખુબ જ સુન્દર ગઝ્લ .એમ થોડા કબીર થાવાના,
    તેઓ ચાદર વણે તો વણવા દે

  7. Typo- મોલ લીલો લણ (લણે) તો લણવા દે.

    ઉપરથી હળવી લાગતી પણ ગંભીર ગઝલ. Double-barreled rhyming પણ કુશળતાથી યોજાયું છે.

  8. કવિશ્રીએ અહીં કાફિયા અને રદિફનો મેળ સાધ્યો છે એ ધ્યાનર્હ રહ્યો…
    સરસ ગઝલ.

  9. Hemansu says:

    તું ગઝલ તારી રીતે લખ, તેઓ,
    ખુદને ગાલિબ ગણે તો ગણવા દે.

    સરસ ગઝલ

  10. atyant sundar gazal….majaa aavi

  11. Narendrasinh Sama says:

    તું ગઝલ તારી રીતે લખ, તેઓ,
    ખુદને ગાલિબ ગણે તો ગણવા દે.

  12. વાહ… મજાની ગઝલ… પણ આપણને તો ભાઈ, આ શેર ખૂબ જ ગમી ગયો:

    મોજથી બેસ બાંકડે છેલ્લે,
    એ ભણેશ્રી ભણે તો ભણવા દે.

  13. Anal says:

    વાહ કવિયાણી માર્ગી વાહ. . . શુ કવિતા લખી છે.આવીજ કવિતા લખતા રહો.

  14. Maheshchandra Naik says:

    મોજથી બેસ બાંકડે છેલ્લે,
    એ ભણેશ્રી ભણે તો ભણવા દે
    આ વાતનો મર્મ શ્રી મનોજભાઈ જ સમજતા હતા, આ ગઝલ દ્વારા એમણે સુચન કરી દીધૂ જ છે કે તને સમજ પડે એમ કામ કરતો રહી મંઝીલ પર પહોંચી જા…..સરસ ટુકી બહેરની ગઝલ….

  15. M.D.Gandhi, U.S.A. says:

    સુંદર ગઝલ છે.

  16. jahnvi vaishnav says:

    ગઝ્લ સરસ

  17. nirlep-qatar says:

    વિરહને ખણવાની અને સાથે તારા ગણવાની વાત…! એક મિનિટ મન વિચારે ચડી ગયુ..વાહ વાહ – શબ્દો અને કલ્પનોનુ અનેરૂ નકશીકામ

Leave a Reply

Your email address will not be published. Required fields are marked *