ઉતાવળ સવાલમાં – મરીઝ

મરીઝ સાહેબને એમની પૂણ્યતિથિના દિવસે આ એમની ખૂબ જ જાણીતી ગઝલ માણીને યાદ કરીએ..!

******

એ રીતે એ છવાઈ ગયાં છે ખયાલમાં;
આવેશને ગણી મેં લીધો છે વહાલમાં.

તારા વચનનો કેટલો આભાર માનીએ,
વરસો કઠણ હતાં તે ગયાં આજકાલમાં.

સારું છે એની સાથે કશી ગુફતગૂ નથી,
નહિતર હું કંઈક ભૂલ કરત બોલચાલમાં.

કરતો હતો જે પહેલાં તે પ્રસ્તાવના ગઈ,
લઈ લઉં છું એનું નામ હવે બોલચાલમાં.

લય પણ જરૂર હોય છે મારી ગતિની સાથ,
હું છું ધ્વનિ સમાન જમાનાની ચાલમાં.

મુજ પર સિતમ કરી ગયા મારી ગઝલના શેર,
વાંચીને એ રહે છે બીજાના ખયાલમાં.

એ ‘ના’ કહીને સહેજમાં છૂટી ગયા ‘મરીઝ’,
કરવી ન જોઈતી’તી ઉતાવળ સવાલમાં.

– મરીઝ

12 replies on “ઉતાવળ સવાલમાં – મરીઝ”

  1. મુજ પર સિતમ કરી ગયા મારી ગઝલના શેર,
    વાંચીને એ રહે છે બીજાના ખયાલમાં.

    બહુ સરસ છે.

  2. મુજ પર સિતમ કરી ગયા મારી ગઝલના શેર,
    વાંચીને એ રહે છે બીજાના ખયાલમાં.

    મરીઝ સાહેબના શેર સિતમ કરે ?! વાહ. . સુંદર ગઝલ.

  3. એ ‘ના’ કહીને સહેજમાં છૂટી ગયા ‘મરીઝ’,
    કરવી ન જોઈતી’તી ઉતાવળ સવાલમાં.

    – મરીઝ
    સરસ રીતે વાત કહેવાઈ ગઈ છે, મઝાની રચના.
    “સાજ” મેવાડા

  4. સારું છે એની સાથે કશી ગુફતગૂ નથી,
    નહિતર હું કંઈક ભૂલ કરત બોલચાલમાં.

    so nice.

  5. એ ‘ના’ કહીને સહેજમાં છૂટી ગયા ‘મરીઝ’,
    કરવી ન જોઈતી’તી ઉતાવળ સવાલમાં.

    ખુબ સરસ

  6. મારા સૌથી પ્રિય શાયરે લખેલી મારી સૌથી પ્રિય ગઝલોમાંની એક.

Leave a Reply to Ullas Oza Cancel reply

Your email address will not be published. Required fields are marked *