.
શકૂન કુસુમ કરો, કુસુમથી સજો તોરણો
સજો કુસુમઝુલથી વરવધૂ તણા વાહનો
કરો કુસુમગુચ્છથી અવસરે શુભ સ્વાગતમ
ચઢે ચદર મીન્નતે પીરમઝાર શરીફને
જહીં ચિર સમાધિમાં વિરમતા દૂત શાંતિના
તહીં અરપજો ભાવથી કુસુમથી શ્રદ્ધાંજલિ
– પ્રિતમલાલ મઝુમદાર
Category Archives: પ્રીતમલાલ મજમુદાર
મને કહોને પરમેશ્વર કેવા હશે ? – પ્રીતમલાલ મજમુદાર
મને કહોને પરમેશ્વર કેવા હશે ?
કેવા હશે ? શું કરતા હશે ?
– મને…
ગગનની ઓઢણીમાં ચાંદા સૂરજને
તારાને ગૂંથનાર કેવા હશે ?
– મને…
આંબાની ઊંચી ડાળીએ ચડીને
મોરોને મૂકનાર કેવા હશે ?
– મને…
મીઠા એ મોરોના સ્વાદ ચખાડી
કોયલ બોલાવનાર કેવા હશે ?
– મને…
ઊંડા એ સાગરનાં મોજાં ઉછાળી
ઘૂ ઘૂ ગજાવનાર કેવા હશે ?
– મને…
– પ્રીતમલાલ મજમુદાર
